‘துறவிமார் பெற்றோர் வீட்டுத்திட்டம்’ தேசிய வேலைத்திட்டத்திற்கு அமைச்சரவை அனுமதி அளித்துள்ளது. புத்தசாசனத்தை தொடர்ச்சியாகப் பேணிச் செல்வதை உறுதிப்படுத்துவதற்கு பிள்ளைகளை துறவுபூணுவதற்கு வழங்கியுள்ள, பொருளாதார ரீதியாக பின்தங்கியுள்ள வீடற்ற பெற்றோர்களுக்கு வீடமைத்துக் கொடுக்கும் நோக்கில் ‘துறவிமார் பெற்றோர் வீட்டுத்திட்ட’ தேசிய வேலைத்திட்டத்தை அமுல்படுத்துவதற்குத் திட்டமிடப்பட்டுள்ளது.&nbsp; மோசமான பொருளாதார நெருக்கடிகளை எதிர்கொள்கின்ற குடும்பங்களிலுள்ள பிள்ளைகளை புத்தசாசனத்திற்கு துறவுபூணுவதற்கு அர்ப்பணித்துள்ள பெற்றோர்களுக்கு சாசன ரீதியான நன்றி தெரிவிக்கும் வேலைத்திட்டம் ஆரம்பிக்கப்பட்டுள்ளது.&nbsp; வேலைத்திட்டத்தின் ஆரம்பப் படிமுறையாக 2026 ஆம் ஆண்டு தொடக்கம் நாடளாவிய ரீதியில் அனைத்து மாவட்டங்களையும் உள்ளடக்கியவாறு 1,000 வீடுகளை நிர்மாணிப்பதற்கும், தற்போது வீடமைப்பு, நிர்மாணிப்பு மற்றும் நீர்வழங்கல் அமைச்சின் மூலம் அமுல்படுத்தப்படும் ‘தங்களுக்கேயுரிய வதிவிடம்’ எனும் வீடமைப்புத் திட்டத்துடன் இணைந்ததான வேலைத்திட்டத்துடன் ‘துறவிமார் பெற்றோர் வீட்டுத்திட்ட’ தேசிய வேலைத்திட்டத்தை அமுல்படுத்துவதற்கு திட்டமிடப்பட்டுள்ளது.&nbsp; உத்தேச வேலைத்திட்டத்தின்கீழ் அடையாளங் காணப்படுகின்ற பயனாளிகளுக்கு புதிய வீடொன்றை நிர்மாணிப்பதற்கு வீடமைப்பு அதிகாரசபையின் தொழிநுட்ப அலுவலர்களின் விதந்துரைக்கமைய, 1.5 மில்லியன் நிதியுதவி வழங்கப்படுவதுடன், வீடமைப்பதற்கு பிரதேச ரீதியான ஒத்துழைப்புக்களை உயர்ந்தபட்சம் பெற்றுக் கொள்வதற்கும் வாய்ப்பளிக்கப்பட்டுள்ளது.&nbsp; அதற்கிணங்க, உத்தேச கருத்திட்டத்தை அமுல்படுத்துவதற்கு புத்தசாசன, சமய மற்றும் கலாச்சார விவகாரங்கள் அமைச்சர் மற்றும் வீடமைப்பு, நிர்மாணிப்பு மற்றும் நீர்வழங்கல் அமைச்சரும் இணைந்து சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.

‘துறவிமார் பெற்றோர் வீட்டுத்திட்டம்’ தேசிய வேலைத்திட்டம்

‘துறவிமார் பெற்றோர் வீட்டுத்திட்டம்’ தேசிய வேலைத்திட்டம்

You may also like