பண்டிகைக் காலத்தை முன்னிட்டு நாடு முழுவதும் மேலதிக பொலிஸ் அதிகாரிகள் பணியில் ஈடுபடுத்தப்பட்டுள்ளதாகவும் போக்குவரத்துக் கடமைகளுக்காக 7500 அதிகாரிகள் ஈடுபடுத்தப்பட்டுள்ளதாகவும் பொலிஸ் ஊடகப் பேச்சாளர் உதவி பொலிஸ் அத்தியட்சகர் எஃப்.யூ.வூட்லர் தெரிவித்துள்ளார். பண்டிகைக்கால பாதுகாப்பு ஏற்பாடுகள் தொடர்பில் ஊடகங்களுக்கு கருத்து வெளியிட்ட போதே அவர் இதனை குறிப்பிட்டுள்ளார். நீர்நிலைகளில் மூழ்கி ஏற்படும் மரணங்களைத் தவிர்க்க 400 பொலிஸ் உயிர் காக்கும் பிரிவினர் சேவையில் ஈடுபடுத்தப்பட்டுள்ளனர். மேலும் புத்தாண்டு காலத்தில் பட்டாசு பயன்பாட்டினால் ஏற்படும் விபத்துக்களைத் தவிர்க்க மக்களுக்கு ஆலோசனைகள் வழங்கப்பட்டன. தரமற்ற பட்டாசுகளை விற்பனை செய்வோருக்கு எதிராக குற்றவியல் சட்டத்தின் கீழ் கடும் தண்டனை வழங்கப்படும். பட்டாசு பயன்படுத்தும் போது மற்றவர்களுக்கு இடையூறு ஏற்படாத வகையில் செயற்படுமாறு அறிவுறுத்தப்பட்டுள்ளது. இசை நிகழ்ச்சி ஏற்பாட்டாளர்களுக்குத் தேவையான வழிகாட்டல்கள் வழங்கப்பட்டதுடன்இ நிகழ்ச்சிகளை நடத்தக்கூடிய காலப்பகுதிகள் குறித்து தெளிவுபடுத்தப்பட்டது. சித்திரைப் புத்தாண்டு விளையாட்டு விழாக்களை ஏற்பாடு செய்வது தொடர்பிலும் ஆலோசனைகள் வழங்கப்பட்டுள்ளதாக பொலிஸ் ஊடகப் பேச்சாளர் உதவி பொலிஸ் அத்தியட்சகர் எஃப்.யூ.வூட்லர் தெரிவித்துள்ளார்.

பண்டிகைக்காலம் - பொலிஸ் அதிகாரிகள் பாதுகாப்பு கடமைகளில்

பண்டிகைக்காலம் - பொலிஸ் அதிகாரிகள் பாதுகாப்பு கடமைகளில்

You may also like