இலங்கையில் தற்போது பரவி வரும் டெங்கு வைரஸானது, கடந்த காலங்களுடன் ஒப்பிடுகையில் புதிய மரபணு மாற்றமடைந்த&nbsp;ஒரு வைரஸாகக் காணப்படுவதாக சுகாதார மற்றும் ஊடகத்துறை பிரதி அமைச்சர் ஹம்சக்க விஜேமுனி தெரிவித்துள்ளார். இன்று (14) பிற்பகல் ஊடகங்களுக்குக் கருத்து வெளியிடும் போதே அவர் இதனைப் தெரிவித்தார் . இதுவரை இலங்கையர்களுக்குத் தொற்றிராத ஒரு புதிய வகை டெங்கு திரிபு இம்முறை பரவுவதால், பின்வரும் சவால்கள் எழுந்துள்ளதாக பிரதி அமைச்சர் சுட்டிக்காட்டினார்: இந்த புதிய வைரஸுக்கு எதிராக பொதுமக்களின் உடலில் நோய் எதிர்ப்புச் சக்தி குறைவாக இருக்கும் என்பதால், மிக வேகமாகவும், பெருமளவிலானோருக்கும் இது தொற்றும் அபாயம் உள்ளது. &nbsp;குறிப்பிட்ட கால இடைவெளியில் டெங்கு நோயாளர்களின் எண்ணிக்கை அதிகரிப்பதை அறிந்து அரசாங்கம் முன்கூட்டியே தயாராக இருந்த போதிலும், இம்முறை பரவும் வைரஸின் தன்மையில் கணிசமான மாற்றங்கள் காணப்படுகின்றன. இந்த அசாதாரண சூழ்நிலையைக் கட்டுப்படுத்த அரசாங்கம் முழு வீச்சில் இறங்கியுள்ளதாகக் குறிப்பிட்ட அவர், நுளம்புகள்&nbsp;பெருகும் இடங்களை அழித்து, அவற்றின் எண்ணிக்கையைக் கட்டுப்படுத்துதல் மற்றும்&nbsp;வைத்தியசாலைகளில் அனுமதிக்கப்படும் நோயாளர்களின் நிலைமை தீவிரமடையாமல் தடுத்து, அவர்கள் முழுமையாகக் குணமடைந்து வீடு திரும்புவதை உறுதி செய்தல். என&nbsp;இரண்டு முக்கிய இலக்குகளை முன்வைத்தார்: அரசாங்கத்தின் முயற்சிகளுக்குப் பக்கபலமாக, பொதுமக்கள் தத்தமது சூழலைத் தூய்மையாகப் பேணி, நுளம்புப் பெருக்கத்தைக் கட்டுப்படுத்த முழுமையான பங்களிப்பை வழங்க வேண்டும் என பிரதி அமைச்சர் அவசரமாகக் கேட்டுக்கொண்டுள்ளார்.

புதிய திரிபுகளுடன் பரவும் டெங்கு நோய்

புதிய திரிபுகளுடன் பரவும் டெங்கு நோய்

You may also like