ஊடகவியலாளர் பிரகீத் எக்னெலிகொட கடத்தப்பட்டு காணாமல் ஆக்கப்பட்ட சம்பவம் தொடர்பில் இராணுவ புலனாய்வுப் பிரிவின் ஒன்பது உறுப்பினர்களுக்கு எதிராகத் தாக்கல் செய்யப்பட்டுள்ள வழக்கின் முறைப்பாட்டுத் தரப்பு சாட்சி விசாரணைகள் நிறைவடைந்துள்ளன. மூன்று நீதிபதிகளை கொண்ட விசேட மேல் நீதிமன்ற நீதிபதிகள் குழாம் முன்னிலையில் இவ்வழக்கு விசாரணைக்கு எடுத்துக்கொள்ளப்பட்டபோதே முறைப்பாட்டுத் தரப்பு சாட்சியங்களை வழிநடத்துவதை நிறைவுசெய்து தனது நிலைப்பாட்டை நீதிமன்றத்திற்கு அறிவித்துள்ளது. அதனைத் தொடர்ந்துஇ முறைப்பாட்டுத் தரப்பு சாட்சிகளின் வாக்குமூலங்களில் காணப்பட்டதாகக் கூறப்படும் விடுபாடுகளை பிரதிவாதிகளின் சட்டத்தரணிகள் நீதிமன்றத்தில் சமர்ப்பித்துள்ளனர். இதன்போது, குற்றவியல் நடைமுறைச் சட்டக்கோவையின் 200 (1) ஆம் பிரிவின் கீழ் கோரிக்கையொன்றை முன்வைப்பது தொடர்பில் விடயங்கள் சுட்டிக்காட்டப்பட்டுள்ளதுடன் அக்கோரிக்கையை முன்வைப்பதாகவும் அறிவிக்கப்பட்டுள்ளது. முறைப்பாட்டுத் தரப்பின் சாட்சி விசாரணை நிறைவடைந்த சந்தர்ப்பத்தில் முறைப்பாட்டுத் தரப்பினால் சமர்ப்பிக்கப்பட்ட சாட்சியங்கள் மூலம் பிரதிவாதிகளுக்கு எதிரான குற்றச்சாட்டுகளை உறுதிப்படுத்துவதற்குப் போதுமான ஆதாரங்கள் இல்லை எனச் சுட்டிக்காட்டி பிரதிவாதிகளின் சாட்சியங்களைக் அழைக்காமலேயே பிரதிவாதிகளை விடுவித்து விடுதலை செய்யுமாறு கோருவதற்கு 200(1) ஆம் பிரிவு பொருந்தும். இத்தகைய கோரிக்கையைக் பரிசீலித்து முறைப்பாட்டுத் தரப்பின் சாட்சியங்கள் போதுமானதாக இல்லை என நீதிமன்றம் தீர்மானித்தால் பிரதிவாதிகளின் சாட்சியங்களைக் அழைக்காமலேயே அவர்களை விடுவித்து விடுதலை செய்ய முடியும். போதுமான ஆதாரங்கள் இருப்பின் பிரதிவாதிகளைச் சாட்சியமளிக்க அழைப்பு விடுக்க முடியும். இதற்கமைய, வழக்கின் மேலதிக நடவடிக்கைகள் நாளை 06 ஆம் திகதி வரை ஒத்திவைக்கப்பட்டன.

எக்னெலிகொட வழக்கில் முறைப்பாட்டுத் தரப்பு சாட்சி விசாரணைகள் நிறைவு

எக்னெலிகொட வழக்கில் முறைப்பாட்டுத் தரப்பு சாட்சி விசாரணைகள் நிறைவு

You may also like