மானிப்பாய் பிரதேச சபையின் தவிசாளர் கந்தையா ஜெசீதன் அண்மையில் நிகழ்வொன்றில் நடந்துகொண்ட விதம் தொடர்பில் சர்ச்சை எழுந்துள்ளது. மானிப்பாய் பிரதேச சபையின் ஆளுகைக்கு உட்பட்ட கட்டுடை பகுதியில் வீதி புனரமைப்பு பணிகளுக்காக அண்மையில் அடிக்கல் நாட்டும் நிகழ்வு இடம்பெற்றது. இதன்போது தவிசாளர் கந்தையா ஜெசீதன் காலணிகளை கழற்றாமல் மங்கல விளக்கேற்றி வைத்ததாக தெரிவிக்கப்படுகிறது. மானிப்பாய் பிரதேசத்தின் தவிசாளராகவும் முதற் குடிமகனாகவும் இருக்கும் ஒருவர் இவ்வாறு காலணியுடன் மங்கல விளக்கேற்றியமை பொறுப்பற்ற செயற்பாடு என சமூக ஆர்வலர்கள் சிலர் தமது எதிர்ப்பை வெளியிட்டுள்ளனர். இந்த சம்பவம் தொடர்பான புகைப்படங்களும் சமூக வலைத்தளங்களில் வெளியாகியுள்ள நிலையில், தவிசாளரின் செயற்பாடு தொடர்பில் பல்வேறு கருத்துகள் முன்வைக்கப்பட்டு வருகின்றன. (பு. கஜிந்தன்)

காலணியுடன் மங்கல விளக்கேற்றிய மானிப்பாய் பிரதேச சபை தவிசாளர்

காலணியுடன் மங்கல விளக்கேற்றிய மானிப்பாய் பிரதேச சபை தவிசாளர்

You may also like