ஊவா மற்றும் கிழக்கு மாகாணங்கள் உள்ளிட்ட யாழ்ப்பாணம், முல்லைத்தீவு, வவுனியா மற்றும் பொலன்னறுவை மாவட்டங்களில் கடும் மின்னல் தாக்கம் ஏற்படக்கூடும் என வளிமண்டலவியல் திணைக்களம் அம்பர் எச்சரிக்கை விடுத்துள்ளது. இன்று (19) காலை 11.00 மணிக்கு விடுக்கப்பட்ட இந்த எச்சரிக்கை இரவு 11.30 மணி வரை அமுலில் இருக்கும் என தெரிவிக்கப்பட்டுள்ளது. இதன்படி, குறித்த மாகாணங்கள் மற்றும் மாவட்டங்களின் பல பகுதிகளில் கடும் மின்னலுடன் கூடிய இடியுடன் கூடிய மழை பெய்யக்கூடும் என எதிர்பார்க்கப்படுகின்றது. இடியுடன் கூடிய மழை பெய்யும் வேளைகளில் தற்காலிகமாக பலத்த காற்றும் வீசக்கூடும் என வளிமண்டலவியல் திணைக்களம் தெரிவித்துள்ளது. எனவே, மின்னல் தாக்கத்தினால் ஏற்படக்கூடிய பாதிப்புகளை குறைப்பதற்குத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்களுக்கு அறிவுறுத்தப்பட்டுள்ளது.

மின்னல் தாக்கம் - ஊவா, கிழக்கு உள்ளிட்ட பகுதிகளுக்கு அம்பர் எச்சரிக்கை

மின்னல் தாக்கம் - ஊவா, கிழக்கு உள்ளிட்ட பகுதிகளுக்கு அம்பர் எச்சரிக்கை

You may also like