சுற்றுலா இலங்கை அணிக்கும் இங்கிலாந்து அணிக்கும் இடையிலான மூன்றாவதும் இறுதியுமான ஒருநாள் சர்வதேச கிரிக்கெட் போட்டி தற்போது லண்டன் ஓவல் மைதானத்தில் நடைபெற்று வருகின்றது. போட்டியில் நாணய சுழற்சியில் வெற்றி பெற்ற இங்கிலாந்து அணி முதலில் துடுப்பெடுத்தாடத் தீர்மானித்தது. இதன்படி, நிர்ணயிக்கப்பட்ட 50 ஓவர்கள் நிறைவில் 7 விக்கெட்டுகளை இழந்து 355 ஓட்டங்களைப் பெற்றுள்ளது. இங்கிலாந்து அணி சார்பில் ஆரம்பத் துடுப்பாட்ட வீரர் டொம் பென்டன் அதிகபட்சமாக 126 ஓட்டங்களைப் பெற்றார். அணித்தலைவர் ஹெரி புரூக் 77 ஓட்டங்களையும், ஜோர்டன் காக்ஸ் 76 ஓட்டங்களையும் பெற்றுக்கொடுத்தனர். இலங்கை அணியின் பந்துவீச்சில் அசித பெர்னாண்டோ 3 விக்கெட்டுகளையும், சச்சிந்து கொலம்பகே 2 விக்கெட்டுகளையும் வீழ்த்தினர். இதன்படி, மூன்றாவது ஒருநாள் போட்டியில் வெற்றிபெற இலங்கை அணிக்கு 356 ஓட்டங்கள் இலக்காக நிர்ணயிக்கப்பட்டுள்ளது.

மூன்றாவது ஒருநாள் போட்டி - இலங்கைக்கு 356 ஓட்டங்கள் வெற்றி இலக்கு

மூன்றாவது ஒருநாள் போட்டி - இலங்கைக்கு 356 ஓட்டங்கள் வெற்றி இலக்கு

You may also like