ரிதீமாலியத்த – குருவிதென்ன, தொட்டிலேயாய பகுதியிலுள்ள லொக்கல்லா ஓயா நீர்த்தேக்கத்தில் படகு சவாரி செய்துகொண்டிருந்த இருவர் நீரில் மூழ்கி உயிரிழந்துள்ளனர். கண்டி, கடுகஸ்தோட்டை பகுதியைச் சேர்ந்த 40 வயதுடைய ஒருவரும், கண்டி, பூஜாரப்பிட்டிய பகுதியைச் சேர்ந்த 48 வயதுடைய ஒருவருமே இவ்வாறு உயிரிழந்துள்ளனர். கண்டி பகுதியிலிருந்து 33 பேர் கொண்ட குழுவொன்று நேற்று (28) குறித்த பகுதிக்கு சுற்றுலா பயணமாகச் சென்றிருந்தபோது இடம்பெற்ற பிறந்தநாள் கொண்டாட்டத்தின் பின்னர், சுற்றுலாத் தலத்திற்கு சொந்தமான இரண்டு சிறிய படகுகளை இணைத்து உருவாக்கப்பட்ட மிதவைப்படகில் குளத்தின் நடுவிலுள்ள தீவிற்கு சென்றுள்ளனர். தீவில் நீராடிவிட்டு கரைக்கு திரும்பியபோது மிதவைப்படகு உடைந்து கவிழ்ந்ததால் இந்த விபத்து ஏற்பட்டுள்ளதாக முதற்கட்ட விசாரணைகளில் தெரியவந்துள்ளது. விபத்து நேரத்தில் மூன்று சிறுவர்கள் உட்பட 11 பேர் படகில் இருந்ததாகவும், உயிரிழந்த இருவரும் பாதுகாப்பு அங்கிகளை அணியாத நிலையில் நீரில் மூழ்கியதாகவும் பொலிஸார் தெரிவித்துள்ளனர். பொலிஸார் மற்றும் கிராம மக்கள் இணைந்து மேற்கொண்ட தேடுதல் நடவடிக்கையின் மூலம் இன்று (29) காலை இருவரின் சடலங்களும் மீட்கப்பட்டுள்ளன. குறித்த சம்பவம் தொடர்பான மேலதிக விசாரணைகளை ரிதீமாலியத்த பொலிஸார் மேற்கொண்டு வருகின்றனர்.

லொக்கல்லா ஓயா நீர்த்தேக்கத்தில் படகு விபத்து – இருவர் உயிரிழப்பு

லொக்கல்லா ஓயா நீர்த்தேக்கத்தில் படகு விபத்து – இருவர் உயிரிழப்பு

You may also like