களனிவெளி ரயில் பாதையில் பேஸ்லைன் மற்றும் நாரஹேன்பிட்ட ரயில் நிலையங்களுக்கு இடையில் அமைந்துள்ள கொட்டா வீதி ரயில் குறுக்கு வீதியில் புனரமைப்புப் பணிகள் முன்னெடுக்கப்படவுள்ளதாக ரயில்வே திணைக்களம் அறிவித்துள்ளது. இதன் காரணமாக, எதிர்வரும் 06ஆம் திகதி சனிக்கிழமை முற்பகல் 09.30 மணி முதல் 07ஆம் திகதி ஞாயிற்றுக்கிழமை முற்பகல் 07.30 மணி வரை கொழும்பு கோட்டை மற்றும் நாரஹேன்பிட்ட ரயில் நிலையங்களுக்கு இடையில் ரயில் சேவைகள் இடைநிறுத்தப்படவுள்ளன. அதேவேளை, குறித்த காலப்பகுதியில் கொட்டா வீதி ரயில் குறுக்கு வீதியும் வாகனப் போக்குவரத்திற்காக முழுமையாக மூடப்படவுள்ளதாக தெரிவிக்கப்பட்டுள்ளது. பயணிகளின் வசதிக்காக, நாரஹேன்பிட்ட மற்றும் அவிசாவளை இடையே விசேட மெதுவான ரயில்கள் இயக்கப்படவுள்ளன. அதன்படி, ஜூன் 06 அன்று நாரஹேன்பிட்டவிலிருந்து அவிசாவளை நோக்கியும், ஜூன் 07 அன்று அவிசாவளையிலிருந்து கொழும்பு கோட்டை நோக்கியும் பல விசேட சேவைகள் இடம்பெறவுள்ளதாக ரயில்வே திணைக்களம் தெரிவித்துள்ளது.

களனிவெளி பாதையில் ரயில் சேவைகள் இடைநிறுத்தம்

களனிவெளி பாதையில் ரயில் சேவைகள் இடைநிறுத்தம்

You may also like