லங்கா ப்ரீமியர் லீக் (LPL) கிரிக்கெட் தொடரின் இறுதிப் போட்டியில் காலி கெலன்ட்ஸ் அணி 5 விக்கெட்டுகள் வித்தியாசத்தில் வெற்றி பெற்று கிண்ணத்தை கைப்பற்றியுள்ளது. கொழும்பு ஆர். பிரேமதாச விளையாட்டரங்கில் நடைபெற்ற இறுதிப் போட்டியில் ஜஃப்னா கிங்ஸ் மற்றும் காலி கெலன்ட்ஸ் அணிகள் மோதின. போட்டியின் நாணய சுழற்சியில் வெற்றிபெற்ற ஜஃப்னா கிங்ஸ் அணி முதலில் துடுப்பெடுத்தாடத் தீர்மானித்தது. இதன்படி, முதலில் துடுப்பெடுத்தாடிய ஜஃப்னா கிங்ஸ் அணி 19.3 ஓவர்கள் நிறைவில் சகல விக்கெட்டுகளையும் இழந்து 123 ஓட்டங்களைப் பெற்றது. ஜஃப்னா கிங்ஸ் அணியின் துடுப்பாட்டத்தில் கமில் மிஷார அதிகபட்சமாக 41 ஓட்டங்களைப் பெற்றுக்கொண்டார். காலி கெலன்ட்ஸ் அணியின் பந்துவீச்சில் சரித் அசலங்க மற்றும் ஈஷான் மலிங்க ஆகியோர் தலா 3 விக்கெட்டுகளை வீழ்த்தினர். இதனையடுத்து, 124 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய காலி கெலன்ட்ஸ் அணி 15.5 ஓவர்கள் நிறைவில் 5 விக்கெட்டுகளை இழந்து வெற்றி இலக்கை எட்டியது. இதன்மூலம் 2026ஆம் ஆண்டுக்கான லங்கா பிரீமியர் லீக் கிரிக்கெட் தொடரின் கிண்ணத்தை காலி கெலன்ட்ஸ் அணி கைப்பற்றியுள்ளது.

LPL இறுதிப் போட்டியில் ஜஃப்னாவை வீழ்த்தி கிண்ணத்தை வென்றது காலி அணி

LPL இறுதிப் போட்டியில் ஜஃப்னாவை வீழ்த்தி கிண்ணத்தை வென்றது காலி அணி

You may also like