கிரிவத்துடுவை பிரதேசத்தில் வயோதிபர் ஒருவர் போதைக்கு அடிமையானவரால் இரும்பு கம்பியால் தாக்கி படுகொலை செய்யப்பட்டுள்ளார். கிரிவத்துடுவை பிரதேசத்தில் வசிக்கும் அமரதுங்க ஆரச்சிகே சிறிபால எனும் 78 வயதுடைய வயோதிபரே இவ்வாறு படுகொலை செய்யப்பட்டுள்ளார். இச்சம்பவத்துடன் தொடர்புடைய சந்தேகநபர், கெஸ்பேவை இந்தல்பட்டிய பாலத்திற்கு அருகில் உள்ள புதர் காட்டுப் பகுதியில் ஒளிந்திருந்தபோது கஹதுடுவை பொலிஸாரால் நேற்றுமுன்தினம் கைது செய்யப்பட்டுள்ளார். கிரிவத்துடுவை பிரதேசத்தில் வசிக்கும் குறித்த சந்தேகநபர், கொலை செய்யப்பட்ட நபரின், 17 வயது பேரனுடன் இணைந்து&nbsp;நீண்டகாலமாக போதைப்பொருள் பழக்கத்திற்கு அடிமையாகியிருப்பது தெரியவந்துள்ளது.&nbsp; அன்றைய தினம் அந்த இளைஞன் போதைப்பொருள் அருந்துவதற்கு வராததால் ஆத்திரமடைந்த சந்தேகநபர், அவரது வீட்டிற்குச் சென்று இளைஞனை இரும்புக் குழாயால் தாக்கியுள்ளார்.&nbsp; இதன்போது இளைஞனைக் காப்பாற்ற வந்த அவரது தாத்தாவையும் சந்தேகநபர் அதே இரும்புக் கம்பியால் தாக்கி கொலை செய்துள்ளதாக பொலிஸார் தெரிவித்துள்ளனர். பின்னர் சம்பவ இடத்திலிருந்து தப்பிச் சென்ற சந்தேகநபர் நடந்து ஹொரண ஊடாக இரத்தினபுரிக்குச் சென்று, மறுநாள் பிற்பகல் பெல்மடுல்லையை அடைந்துள்ளார்.&nbsp; அதன்பின்னர் பஸ்ஸில் ஏறி எம்பிலிபிட்டியவிற்குச் சென்று நெருங்கிய ஒருவரின் வீட்டில் தங்கியிருந்ததாக விசாரணைகளில் தெரியவந்துள்ளது.&nbsp; கஹதுடுவை பொலிஸ் நிலைய குற்றப்புலனாய்வுப் பிரிவின் பொறுப்பதிகாரி பொலிஸ் பரிசோதகர் சமன் கமகேவுக்குக் கிடைத்த இரகசியத் தகவலின் பேரில் மேற்கொள்ளப்பட்ட விசாரணையின் போதே சந்தேகநபர் கைது செய்யப்பட்டார்.&nbsp; போதைப்பொருள் பயன்பாட்டிற்கு கடுமையாக அடிமையான இவர், அப்பகுதியில் கஞ்சா விற்பனையிலும் ஈடுபட்டு வந்துள்ளதாகத் தெரிவிக்கப்படுகிறது.

போதைப்பொருள் தகராறில் முதியவர் ஒருவர் உயிரிழப்பு!

போதைப்பொருள் தகராறில் முதியவர் ஒருவர் உயிரிழப்பு!

You may also like