காங்கேசன்துறை ஊடாக இந்தியாவுக்கு தங்கம் கடத்த முயன்றதாகக் கைது செய்யப்பட்ட 11 இந்தியர்களையும் எதிர்வரும் செப்டெம்பர் 9ஆம் திகதி வரை விளக்கமறியலில் வைக்க மல்லாகம் நீதிமன்றம் உத்தரவிட்டுள்ளது. காங்கேசன்துறையிலிருந்து நாகப்பட்டினம் நோக்கிப் பயணிக்கத் தயாராக இருந்த 19 பயணிகளை சுங்கத் திணைக்கள அதிகாரிகள் சந்தேகத்தின் பேரில் தடுத்து நிறுத்தி சோதனையிட்டுள்ளனர். இதன்போது, 11 பேர் தங்கத்தை மறைத்து கடத்த முயன்றமை கண்டறியப்பட்டதாகத் தெரிவிக்கப்படுகின்றது. இதையடுத்து கைது செய்யப்பட்ட 11 சந்தேக நபர்களும் நேற்று மாலை மல்லாகம் நீதவான் முன்னிலையில் ஆஜர்படுத்தப்பட்டனர். வழக்கை விசாரணைக்கு எடுத்துக்கொண்ட நீதவான், 11 சந்தேக நபர்களையும் எதிர்வரும் செப்டெம்பர் 9ஆம் திகதி வரை விளக்கமறியலில் வைக்க உத்தரவிட்டுள்ளார்.

தங்கம் கடத்த முயன்ற 11 இந்தியர்களுக்கு விளக்கமறியல்

தங்கம் கடத்த முயன்ற 11 இந்தியர்களுக்கு விளக்கமறியல்

You may also like