அக்கரைப்பற்று – கல்முனை பிரதான வீதியில் அமைந்துள்ள பிரபல வர்த்தக நிறுவனமொன்றில் ஏற்பட்ட திடீர் தீ விபத்து, அக்கரைப்பற்று மாநகர சபை தீயணைப்புப் பிரிவினரின் விரைவான நடவடிக்கையால் கட்டுப்பாட்டுக்குள் கொண்டுவரப்பட்டுள்ளது. அக்கரைப்பற்று பிரதான வீதியில், லங்கா ஸ்டோருக்கு அருகாமையில் அமைந்துள்ள ‘LU LU’ நிறுவனத்தின் மின் பிறப்பாக்கியில் ஏற்பட்ட மின்கசிவு காரணமாக, அதன் மேல்தளத்தில் தீப்பரவல் ஏற்பட்டதாக தெரிவிக்கப்படுகின்றது. தகவல் கிடைத்ததும் சம்பவ இடத்துக்கு விரைந்து சென்ற மாநகர சபை தீயணைப்புப் பிரிவினர், தீ மேலும் பரவாமல் கட்டுப்படுத்தினர். எனினும், தீ விபத்தினால் கட்டடத்தின் ஒரு பகுதி சேதமடைந்துள்ளது. தீயை விரைவாகக் கட்டுப்படுத்திய தீயணைப்புப் பிரிவினருக்கு அப்பகுதியில் கூடியிருந்த வர்த்தகர்களும் பொதுமக்களும் நன்றி தெரிவித்தனர். அத்துடன், அக்கரைப்பற்றில் தீயணைப்புச் சேவையை ஏற்படுத்துவதற்கு பங்களித்த முன்னாள் அமைச்சரும் தற்போதைய மாநகர சபை முதல்வருமான ஏ.எல்.எம். அதாவுல்லாவுக்கும் அவர்கள் நன்றி தெரிவித்தனர்.

அக்கரைப்பற்று வர்த்தக நிறுவனத்தில் திடீர் தீ விபத்து

அக்கரைப்பற்று வர்த்தக நிறுவனத்தில் திடீர் தீ விபத்து

You may also like