அமெரிக்கா மற்றும் ஈரான் இடையே 100 நாட்களுக்கும் மேலாக நீடித்த மோதலைத் தொடர்ந்து, இன்று (15) இரவு முதல் லெபனான் உட்பட அனைத்து முனைகளிலும் இராணுவ நடவடிக்கைகள் உடனடியாகவும் நிரந்தரமாகவும் நிறுத்தப்படுகின்றன. இந்நிலையில், ஈரான் மீதான அமெரிக்க கடற்படை முற்றுகை நீக்கப்பட்டு, சர்வதேச கப்பல் போக்குவரத்திற்காக ஹோர்முஸ் நீரிணை மீண்டும் திறக்கப்படும் என அமெரிக்க ஜனாதிபதி டொனால்ட் ட்ரம்ப் அறிவித்துள்ளார். அத்துடன் இந்த அமைதி ஒப்பந்தத்திற்கான உத்தியோகபூர்வ கையெழுத்து நிகழ்வு எதிர்வரும் 19ஆம் திகதி சுவிட்சர்லாந்தின் ஜெனீவா நகரில் நடைபெறவுள்ளது. தொடர்ந்து 60 நாட்களுக்குள் ஈரானின் அணுசக்தி திட்டம் குறித்த இறுதி பேச்சுவார்த்தை தொடங்குவது முடக்கப்பட்டுள்ள ஈரானின் பில்லியன் கணக்கான டொலர் சொத்துக்களை விடுவிப்பது போன்ற விபரங்கள் விவாதிக்கப்படவுள்ளன. அத்துடன் ஈரானை சுற்றியுள்ள பகுதிகளில் அமெரிக்க இராணுவ நடமாட்டத்தைக் குறைக்க உடன்பாடு எட்டப்பட்டுள்ளதாக தெரிவிக்கப்பட்டுள்ளது. மேலும் இந்த அமைதி முயற்சிக்கு பாகிஸ்தான் மற்றும் கட்டார் நாடுகள் முக்கிய மத்தியஸ்தம் வகித்துள்ளதுடன் சவூதி அரேபியா, துருக்கி ஆகிய நாடுகள் இதற்கு ஆதரவு தெரிவித்துள்ளன. இதனிடையே ஜனாதிபதி ட்ரம்ப் மற்றும் துணை தலைவர் ஜே.டி. வென்ஸ் ஆகியோர் இதனை "மத்திய கிழக்கிற்கான புதிய சகாப்தம்" என வரவேற்றுள்ளனர். இருப்பினும், அணுசக்தி மற்றும் பாதுகாப்பு தொடர்பான முழுமையான விவரங்கள் குறித்து இன்னும் பேச்சுவார்த்தைகள் தொடரவுள்ளதாக சர்வதேச ஊடகங்கள் கருத்து&nbsp;தெரிவிக்கின்றன.

அமுலுக்கு வருகின்றது அமெரிக்கா - ஈரான் போர் நிறுத்தம்

அமுலுக்கு வருகின்றது அமெரிக்கா - ஈரான் போர் நிறுத்தம்

You may also like