ஐக்கிய மக்கள் சக்தியின்(SJB) நாடாளுமன்ற உறுப்பினர் ஒருவரால் சட்டவிரோதமாக நாட்டிற்குள் கொண்டு வரப்பட்ட 39 ட்ரோன்கள் (drones) மற்றும் 16 ஒலிவாங்கிகள் (microphones) ஆகியவற்றை, கட்டுநாயக்க விமான நிலைய சுங்க அதிகாரிகள் கைப்பற்றியுள்ளதாக சுங்க ஊடகப் பேச்சாளர் சந்தன புஞ்சிஹேவா தெரிவித்துள்ளார். இந்த ட்ரோன்கள், அவசியமான இறக்குமதி உரிமங்கள், தொலைத்தொடர்பு ஒழுங்குமுறை ஆணையத்தின் அனுமதி அல்லது பாதுகாப்பு அமைச்சின் அனுமதி இன்றி இறக்குமதி செய்யப்பட்டுள்ளதாக சுங்க ஊடகப் பேச்சாளர் மேலும் குறிப்பிட்டார். இப்பொருட்கள் சிங்கப்பூரிலிருந்து கட்டுநாயக்க விமான நிலையத்திற்கு வந்தடைந்தன. இது குறித்து கட்டுநாயக்க விமான நிலைய சுங்க அதிகாரிகள் மேலதிக விசாரணைகளை மேற்கொண்டு வருகின்றனர். இதேவேளை கட்டுநாயக்க விமான நிலையத்தில் பறிமுதல் செய்யப்பட்ட 39 ட்ரோன்கள் (drones), தனது மகனுக்குச் சொந்தமான நிறுவனத்தால் இறக்குமதி செய்யப்பட்டவை என்று நாடாளுமன்ற உறுப்பினர் நளின் பண்டார ஜயமஹ 'தெரிவித்தார். இந்த ட்ரோன்களுக்காகப் பாதுகாப்பு அமைச்சகத்திடம் பெறப்பட்ட அனுமதிப்பத்திரம் காலாவதியாகிவிட்டதாக அவர் மேலும் குறிப்பிட்டார். இருப்பினும், இந்த உபகரணங்களுக்குத் தேவையான ஏனைய அனைத்து அனுமதிப்பத்திரங்களும் முறையாகவே இருந்தன என்று அவர் தெரிவித்தார். இந்த 39 ட்ரோன்களும் நேற்று (08) கட்டுநாயக்க விமான நிலையத்தில், விமான நிலைய சுங்க அதிகாரிகளால் பறிமுதல் செய்யப்பட்டன.

எதிர்க்கட்சி எம் . பி பெயரில் தருவிக்கப்பட்ட ட்ரோன்கள் பறிமுதல்!

எதிர்க்கட்சி எம் . பி பெயரில் தருவிக்கப்பட்ட ட்ரோன்கள் பறிமுதல்!

You may also like