இ.போ.சவினால் 200 மின்சார பஸ்கள் கொள்வனவு செய்யும் திட்டம் நடைமுறைப்படுத்தப்படாமல் போயுள்ளதாக தேசிய காணக்காய்வு அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.&nbsp;&nbsp; குறித்த திட்டத்திற்கு அமைச்சரவை அங்கீகாரம் வழங்கப்பட்டிருந்த போதிலும் அதனை உரிய காலத்தில் நடைமுறைப்படுத்த முடியாமல் போயுள்ளது. இலங்கையில் மின்சார வாகனப் பயன்பாடு&nbsp;முகாமைத்துவம் மற்றும் சுற்றுச்சூழல் தாக்கம் தொடர்பில் வெளியிடப்பட்டுள்ள விசேட கணக்காய்வு அறிக்கையிலேயே இந்த விடயம் தெரிவிக்கப்பட்டுள்ளது. எரிபொருள் இறக்குமதியைக் குறைத்தல், வளிமாசுபாட்டைக் குறைத்தல் மற்றும் பொதுப் போக்குவரத்துச் சேவையைச் சூழலுக்குச் சாதகமானதாக மாற்றுதல் என்பன இத்திட்டத்தின் பிரதான நோக்கங்களாகும். எவ்வாறாயினும் மின்சார பஸ்களை கொள்வனவு செய்வதற்காக பத்து ஏலதாரர்கள் முன்மொழிவுப் படிவங்களைக் கொள்வனவு செய்திருந்த போதிலும், ஒரு ஏலதாரர் மட்டுமே முன்மொழிவைச் சமர்ப்பித்துள்ளார் என தெரிவிக்கப்படுகிறது. எனினும் குறித்த ஏலதாரர் போலிச் செயல்திறன் பிணைப் பத்திரத்தைச் சமர்ப்பித்தமையினால் அவர் தகுதியற்றவராக்கப்பட்டுள்ளார்.&nbsp; அதற்கமைய 2024 ஜூலை 20 ஆம் திகதியுடன் குறித்த கொள்முதல் நடைமுறைகள் நிறைவு செய்யப்பட்டிருந்ததாக அந்த அறிக்கையில் தெரிவிக்கப்பட்டுள்ளது. ஆயினும் 2025 ஒக்டோபர் 27 ஆம் திகதியாகும் போதும் மின்சார பஸ்களைக் கொள்வனவு செய்வதற்கும் சேவையில் ஈடுபடுத்துவதற்கும் தேவையான நடவடிக்கைகளை ஆரம்பிக்கவோ அல்லது நிறைவு செய்யவோ நடவடிக்கைகளும் எடுக்கப்படவில்லை.&nbsp; கொள்முதல் நிர்வாகத்தில் காணப்பட்ட பலவீனங்கள் ஏலதாரர்களை மதிப்பிடுவதில் ஏற்பட்ட குறைபாடுகள் அவசர நிலைகளுக்கான மாற்று கொள்முதல் திட்டங்கள் இல்லாமை மற்றும் போக்குவரத்து அமைச்சு&nbsp;திறைசேரி இலங்கை போக்குவரத்து சபை ஆகியவற்றுக்கு இடையிலான பலவீனமான ஒருங்கிணைப்பு என்பன இத்திட்டம் தாமதமாவதற்குக் காரணங்களாக உள்ளது என&nbsp;அறிக்கை சுட்டிக்காட்டப்பட்டுள்ளது. இவ்வாறான திட்டங்கள் தாமதமாவதால் எரிபொருள் இறக்குமதியைக் குறைத்தல் மற்றும் நகரப்புற வளிமாசுபாட்டைக் குறைத்தல் போன்ற எதிர்பார்க்கப்பட்ட பொருளாதார மற்றும் சுற்றுச்சூழல் நன்மைகளைப் பெற்றுக்கொள்வதும் தாமதமடைந்துள்ளதாக தேசிய கணக்காய்வு அலுவலகம் சுட்டிக்காட்டியுள்ளது.

மின்சார பஸ்கள் கொள்வனவு தொடர்பில் கணக்காய்வு அறிக்கையில் அம்பலமான தகவல்கள்

மின்சார பஸ்கள் கொள்வனவு தொடர்பில் கணக்காய்வு அறிக்கையில் அம்பலமான தகவல்கள்

You may also like