அரசாங்கம் அரங்கேற்றிக் கொண்டிருக்கும் இந்த நாடக அரசியல் விரைவில் முடிவுக்கு வரும் என தமிழ் முற்போக்கு கூட்டணியின் தலைவரும் பாராளுமன்ற உறுப்பினருமான மனோ கணேசன் தெரிவித்துள்ளார். தமிழ் முற்போக்கு கூட்டணியின் ஏற்பாட்டில் கூட்டணியின் உள்ளூராட்சி மன்ற உறுப்பினர்களுக்காக முன்னெடுக்கப்படும் விசேட தலைமைத்துவப் பயிற்சி மற்றும் இந்தியப் பயணத் திட்டம் குறித்து தெளிவுபடுத்தும் செய்தியாளர் சந்திப்பில் கலந்து கொண்டு உரையாற்றிய போதே அவர் இதனை குறிப்பிட்டுள்ளார். தேசிய மக்கள் சக்தி முன்னர் கூறிய பொய்களை முன்னிலைப்படுத்தியே ஆட்சியை முன்னெடுத்துக் கொண்டிருக்கிறது.&nbsp; தேர்தலில் வெற்றி பெறுவோம் என்ற நம்பிக்கையின்றி பொய்களைக் கூறினர்.&nbsp; தற்போது அவற்றை அடிப்படையாகக் கொண்டு ஆட்சி செய்து கொண்டிருக்கின்றனர். நிலக்கரி ஊழல் தேசிய மக்கள் சக்தி அரசாங்கத்தின் உண்மையான முகத்தைக் காண்பித்துள்ளது.&nbsp; தரங் குறைந்த நிலக்கரி கொள்வனவினால் இனிவரும் நாட்களில் மின்சார உற்பத்தி குறைவடையும்.&nbsp; எனவே மேலதிக மின்சார உற்பத்திக்கு மேலதிகமாக நிலக்கரியை கொள்வனவு செய்ய வேண்டியேற்படும்.&nbsp; இதனால் செலவும் அதிகரிக்கும். தற்போது நிலக்கரியை விநியோகிக்கும் இந்த விநியோக நிறுவனம், முன்னர் அரிசி இறக்குமதி செய்து அப்போது ஏற்பட்ட மோசடிகளால் கருப்பு பட்டியலில் சேர்க்கப்பட்டது.&nbsp; அவ்வாறு கருப்பு பட்டியலில் சேர்க்கப்பட்ட நிறுவனத்துக்கே இந்த அரசாங்கம் நிலக்கரி விநியோகத்துக்கான வாய்ப்பை வழங்கியிருக்கின்றது.&nbsp; இந்த மோசடியால் அரசாங்கத்துக்கு 700 கோடி நட்;டம் ஏற்பட்டுள்ளதாக பாராளுமன்ற உறுப்பினருமான மனோ கணேசன் தெரிவித்துள்ளார்.

நிலக்கரி மோசடியால் அரசாங்கத்துக்கு பாரிய நட்டம் - மனோ கணேசன்

நிலக்கரி மோசடியால் அரசாங்கத்துக்கு பாரிய நட்டம் - மனோ கணேசன்

You may also like