ஒரு சூழ்நிலைக்கு உடல் தன்னை ஆயத்தப்படும் எதிர்வினைப் பயன்பாடு STRESS எனப்படும் மன அழுத்தம். சூழ்நிலை ஓர் அச்சுறுத்தலாக அல்லது சவாலாக மனதுக்குத் தென்படும்போது மன அழுத்தம் ஏற்படுகிறது. இதே மன அழுத்தம் ஓரளவுக்கு எமக்கு நன்மையைச் செய்கின்றது. உதாரணமாக, பரீட்சைக்குத் தயாராகும் மாணவர்களுக்கு ஏற்படும் மன அழுத்தம், பரீட்சையில் சவாலாகத் தெரியப்பட்டு, அந்த மன அழுத்தத்தால் பரீட்சையில் திறம்பட செய்ய உதவுகின்றது. அதேவேளை, இந்த மன அழுத்தம் தொடர்ந்தும் எமக்கு இருந்துகொண்டேயிருந்தால் அது ஒரு நோயாகப் பரிணமிக்கிறது. எனவே, மன அழுத்தம் எமக்கு நன்மையாகவும் தீமையாகவும் செயற்பட இந்த மன அழுத்தத்தை எப்படி நாம் சமாளிக்கின்றோம் என்ற வகையில் பலன் தருகின்றது. எமது மன அழுத்தம் தீங்கானதென்பதை அறிந்துகொள்ள சில அறிகுறிகளை நாம் அவதானித்துக்கொள்ள வேண்டும். மன அழுத்தம் சிறிது காலத்துக்கு இருந்தாலும் அல்லது நீண்ட காலத்துக்கு இருந்தாலும் அது எமது நினைவாற்றலைக் குறைக்கின்றது. அதிகளவில் மன அழுத்தம் உள்ளவர்களுக்கு முக்கியமான விடயங்களை உடனடியாக நினைவுபடுத்துவது கஷ்டமாக இருக்கும். புதிய விடயங்களை நினைவில் வைத்துக்கொள்வதும் இவர்களுக்குக் கடினம். ஏன் இப்படி, எதற்காக இப்படி நினைவாற்றல் குறைகின்றதென்பது விளக்கமாகத் தெரியப்படாவிடினும் சில மனநல மற்றும் நரம்பியல் பிரச்சினைகள் காரணமாக இருக்கலாம் என்று மருத்துவர்கள் நம்புகின்றார்கள். கவலை (ANXIETY), மனச்சோர்வு (DEPRESSION) மற்றும் தூக்கம் சம்பந்தப்பட்ட பிரச்சினைகளும் மறதித்தன்மை ஏற்படக் காரணமாகின்றன. மன அழுத்தம் உள்ளவர்கள் அடிக்கடி சாப்பிடுவார்கள்.&nbsp;மன அழுத்தம் அதிகரிக்கும்போது உடலில் சுரக்கும் ஹோர்மோன் களின் அளவுகள் சமநிலையை மீறுகின்றன. அப்படி மீறுகின்ற ஹோர்மோன்களில் பசியை உண்டாக்கும் ஹோர் மோன்களும் உள்ளடங் குகின்றன. இதனால் மன அழுத்தம் உள்ள சிலர் உணவை வெறுப்பவர் களாகவும் மற்றும் சிலர் அதிகமாக நினைத்த நேரமெல்லாம் எதையாவது சாப்பிட்டுக்கொண்டு உடல் பருமனை அதிகரித்துக் கொண்டிருப்பார்கள். நீண்டகால மன அழுத்தம் உள்ளவர்கள் நிறைய தலைமயிர், உடல் மயிர் வளர்ச்சி உள்ளவர்களாக இருப்பார்கள். மன அழுத்தத்தின் காரணமாக தமது உடலை - முகத்தை கவனிப்பதில் அக்கறையில்லாமல் இருப்பது இதற்குக் காரணமாக இருக்கின்றது. மன அழுத்தம் உடலிலுள்ள (COLLAGEN) கொலஜன் என்ற திசு வளர்ச்சியைக் குறைக்கின்றது. கொலஜன் என்ற திசு வளர்ச்சிதான் முகத்தை, சருமத்தை ‘பளபளப்பாக’,மிருதுவாக வைத்திருக்க உதவுகின்றது. கொலஜன் குறைவதால் மன அழுத்தம் உள்ளவர்களின் முகத்தில், சருமங்களில் சுருக்கங்கள் ஏற்படுகின்றன. இளமை ததும்பும் தோற்றத்தை இழந்துவிடுகின்றனர். நரைமயிர்கள் தோன்றுகின்றன. மன அழுத்தம் எமது உடலிலுள்ள நோய் தடுக்கும் சக்தியைக் குறைக்கின்றது. இதனால் சாதாரண தடிமன், காய்ச்சல், குளிர்காய்ச்சல் என்பனவற்றுக்கு மன அழுத்தம் உள்ளவர்கள் அடிக்கடி ஆளாகு கின்றார்கள். எமக்கு வீரத்தையும் பயத்தை யும் தரும் உணர்ச்சி கள் ஏற்படும் போது எம்மை அறியாமலே எமது இருதயத்துடிப்பு வேகமாக ஏறுகின்றது. மன அழுத்தம் உள்ளவர்கள் சிறுசிறு சாதாரண சம்பவங்களுக்கும் விரைவாக உணர்ச்சிவசப்படுவார்கள். காரணமில்லாமல் அவர்களின் இருதயத் துடிப்பு அதிகரிக்கும். அதனால் இவர்களுக்கு இதயம் சம்பந்தமான நோய் களும் அதியுயர் இரத்த அழுத்தமும் ஏற்படும் சாத்தியம் அதிகமாகின்றது.&nbsp;இன்னொரு முக்கியமான அறிகுறியான மனதை ஒருமுகப்படுத்திச் சிந்திக்கும் CONCENTRATION ஆற்றல் குறைவாகின்றது. குடும்ப விருத்திக்கு அவசியமான பால் உணர்வுகள் (SEXUAL FEELINGS) மன அழுத்தத்தால் குறைவுபடுகின்றது. இதனால் கணவன் - மனைவி உறவில் விரிசல் ஏற்பட்டு குடும்பம் பிளவுபடுகின்றது. அடிக்கடி மூச்சுவிட கஷ்டப்படும் உணர்வுகளும் ஆஸ்துமா வியாதி அதிகரிப்பும் மன அழுத்தத்தால் ஏற்படுகின்றன. காரணமில்லாத உடல், மன - களைப்பு, தூக்கத்தில் -பிரச்சினைகள், தூக்கமின்மை என்பவையும் மன அழுத்தத்தால் ஏற்படுகின்றன. HERPES எனப்படும் சூட்டுப் புண்கள் உதடுகளிலும் முதுகிலும் மன அழுத்தமுள்ளவர்களுக்கு ஏற்படுகின்றன. நீண்டகால மன அழுத்தம், காரணமில்லாத சினம், எரிச்சல் குணம் (IRRITABELLITY) போன்ற உணர்ச்சிக்கு தூண்டுகின்றன. இதனால் குடும்பம், சிநேகிதம், உறவு என்பனவற்றில் விரிசல்கள் ஏற்படுகின்றன.சமிபாடு மற்றும் உணவுக்குழாய் என்பனவற்றில் ஏற்படும் வயிற்றோட்டம், மலச்சிக்கல் GASTRITIS என்கின்ற இரைப்பை அழற்சி, அதனால் அடிக்கடி ஏற்படும் நெஞ்செரிவு, IRRITABLE BOWEL SYNDROME எனப்படும் பெருங்குடல் அழற்சி என்பவைகளுக்கும் இந்த மன அழுத்தம் காரணமாகின்றது.தலைமயிர் உதிர்வு, அதிகளவாக முகப்பருக்கள் ஏற்படுதல் என்பவையும் மன அழுத்தத்தால் உடலில் சுரக்கப்படும் கோற்றிசோல் (CORTISOL) சுரப்பின் அளவு அதிகரிப்பதால் நடைபெறுகின்றது. தூக்கத்தில் பற்களை அரைக்கும் பழக்கத்துக்கு BRUXISM என்று பெயர். இந்தப் பழக்கம் மன அழுத்தம் உள்ளவர்களுக்கு அதிகமாக ஏற்படுகிறது. இதனால் பற்கள் தேய்ந்து, பற்களைக் கடித்துக்கொண்டிருக்கும் பழக்கம் தாடையில் ஏற்படும் வலி, பற்களின் சிதைவுகள் என்பன ஏற்பட்டு சமிபாடு சம்பந்தமான நோய்களும் பிரச்சினைகளும் ஏற்படுகின்றன. மேற்கூறிய நோய்கள், பழக்க வழக்கங்கள், பிரச்சினைகள் அநேக மானவர்களுக்கு ஏற்பட மன அழுத்தமே காரணம் என்பதை மனதில் கொண்டு மன அழுத்தம் ஏற்படாமல் வாழும் வாழ்க்கையை ஏற்படுத்திக்கொள்ள வேண்டும். அது எப்படி என்பதை அடுத்த வாரம் அறிந்துகொள்வோம். டாக்டர்எஸ். அருள் இராமலிங்கம்

மனிதரின் வாழ்க்கையை சீர்குலைக்கும் மன அழுத்தம்

மனிதரின் வாழ்க்கையை சீர்குலைக்கும் மன அழுத்தம்

You may also like