சுமார் 1 பில்லியன் அமெரிக்க டொலர் பணத்தை சட்டவிரோதமாக வெளிநாடுகளுக்கு அனுப்பியதாகக் கூறப்படும் சம்பவம் தொடர்பில், இலங்கையின் நான்கு முன்னணி தனியார் வங்கிகளைச் சேர்ந்த நான்கு முகாமையாளர்கள் கைது செய்யப்பட்டுள்ளனர். குற்றப் புலனாய்வுத் திணைக்களத்தின் நிதியியல் குற்ற விசாரணைப் பிரிவினரால் இந்தக் கைது நடவடிக்கை மேற்கொள்ளப்பட்டுள்ளது. கைது செய்யப்பட்ட நான்கு பேரும் தாங்கள் பணியாற்றிய வங்கிகளிலேயே வைத்து கைது செய்யப்பட்டுள்ளதாக தெரிவிக்கப்பட்டுள்ளது. இலங்கையில் இவ்வாறானதொரு சம்பவம் தொடர்பில் வங்கி முகாமையாளர்கள் கைது செய்யப்படுவது இதுவே முதல்முறை என பொலிஸார் தெரிவித்துள்ளனர். விசாரணைகளின்படி, சட்டவிரோத பணப்பரிமாற்றத்தை முன்னெடுத்ததாகக் கூறப்படும் பிரதான சந்தேகநபர், சம்பந்தப்பட்ட வங்கி அதிகாரிகளுக்கு வாராந்தம் பணம் வழங்கி வந்துள்ளதாக தெரியவந்துள்ளது. இதன்படி, சில அதிகாரிகளுக்கு வாரந்தோறும் 30,000 ரூபாய் முதல் 1 இலட்சம் ரூபாய் வரை பணம் வழங்கப்பட்டுள்ளதாகவும், கைது செய்யப்பட்ட முகாமையாளர்களில் ஒருவருக்கு ஒரு சந்தர்ப்பத்தில் சுமார் 10 இலட்சம் ரூபாய் வழங்கப்பட்டுள்ளதாகவும் விசாரணைகளில் தெரியவந்துள்ளது.

சட்டவிரோத பணப்பரிமாற்றம் - நான்கு வங்கி அதிகாரிகள் கைது

சட்டவிரோத பணப்பரிமாற்றம் - நான்கு வங்கி அதிகாரிகள் கைது

You may also like