&nbsp;செம்மணி புதைகுழி தொடர்பான விசாரணை நடவடிக்கைகளைத் துரிதப்ப டுத்தவும் அதற்குத் தேவை யான நிதியொதுக்கீடு தொடர்பிலும் தேவையான நடவடிக்கைகளை முன்னெடுப்பதாக நீதி மற்றும் தேசிய ஒருமைப் பாட்டு அமைச்சர் ஹர்ஷன நாணயக்கார தெரிவித்தார். பாராளுமன்றத்தில் நேற்று (04) நடைபெற்ற ஊழல் எதிர்ப்புச் சட்டத்தின் கீழான ஒழுங்குவிதிகள் மீதான விவாதத்தின்போது தமிழ்த் தேசிய மக்கள் முன்னணி பாராளுமன்ற உறுப்பினர் கஜேந்திரகுமார் பொன்னம்பலம் செம்மணி புதைகுழி தொடர்பில் முன்வைத்த கோரிக்கைகளுக்குப் பதிலளிக்கையிலேயே அமைச்சர் இவ்வாறு கூறினார். இதன்போது அமைச்சர் தொடர்ந்து அவர் மேலும் கருத்து தெரிவிக்கையில், கஜேந்திரகுமார் எம்.பி. முன்வைத்த விடயம் தொடர்பில் விசேட கவனத்தை செலுத்தியுள் ளதுடன், இது தொடர்பில் நடவடிக்கை எடுக்கப் படும். அத்துடன் துரிதமாக விசாரணைகளும் முன்னெடுக்கப்படும். இதற்கு தேவையான நிதி ஒதுக்கீடு தொடர்பிலும் உங்களால் முன்வைக்கப் பட்டுள்ள விடயத்தின் முக்கியத்துவத்தை உணர்கின்றேன். இதன்படி இது தொடர்பான நடவடிக்கைகளின் முன்னேற்றம் தொடர்பில் எதிர்வரும் நாட்களில் அறிவிக்கின்றேன் என்றார். இதேவேளை, இதற்கு முன்னதாக சபையில் கருத்து தெரிவித்த தமிழ்த் தேசிய மக்கள் முன்னணி யின் பாராளுமன்ற உறுப்பினர் கஜேந்திரகுமார் பொன்னம்பலம், செம்மணி புதைகுழி அகழ்வுப் பணி உள்ளிட்ட அது தொடர்பான நடவடிக்கைகளுக்கு போதுமான நிதியை ஒதுக்குவதற்கு அரசாங்கம் நடவடிக்கை எடுக்க வேண்டும். அதற்கு போதுமான நிதியை ஒதுக்க முடியாவிட்டால் வெளிநாடுகளில் இருந்து நிதியைப் பெற்றுக்கொடுப்பதற்கு தங்களால் உதவ முடியும். நீதி அமைச்சர் இதற்கான பதிலை வழங்க வேண்டும். யாழ்ப்பாணம் செம்மணியில் பாரிய மனித புதைகுழிகள் கண்டுபிடிக்கப்பட்டுள்ளன. இங்கே எலும்புக் கூடுகள் கண்டுபிடிக்கப்பட்டுள்ளன. சர்வதேச ரீதியிலான பாரிய மனிதப் புதைகுழிகள் என்று கூறும் தன்மையை கொண்டுள்ளது. இங்கே எவ்வித பாதுகாப்பும் போடப்படவில்லை. மக்கள் அங்கு சென்று எதனையும் செய்யலாம் என்பதை போன்று உள்ளது. அந்த புதைகுழி தொடர்பான நடவடிக்கைகளுக்ககாக போதுமான நிதி இல்லை. அங்கு அகழ்வுகளை நடத்துவதற்கும் சட்ட மருத்துவ அதிகாரி விடயங்களை செயற்படுத் துவதற்கும் நிதி போதுமாக இல்லை. ஒதுக்கப்பட்டுள்ள நிதி 20 நாட்களுக்கும் போதுமானது அல்ல. போதிய நிதி இல்லாமல் அந்த நடவடிக்கைகளை நிறுத்தப்போகின்றனர். இதனால் அந்த புதைகுழியை பாரிய மனிதப் புதைகுழியாக பிரகடனப்படுத்த வேண்டும். அதற்காக நிதியை ஒதுக்க வேண்டும். உங்களுக்கு தேவையென்றால் வெளிநாடுகளில் இருந்து நாங்கள் நிதியைப் பெற்றுத்தரவும் உதவலாம். 1996 காலப்பகுதியில் அங்கே நடந்த கிருஷாந்தி கொலை வழிக்கின்போது 600பேர் அங்கிருந்து காணாமல்போனமை தெரியவந்தது. இதனால் உண்மைகளை கண்டறிய வேண்டும். இதற்காக நிதியை ஒதுக்குமாறு நாங்கள் கோருகின்றோம். இதனைப் பாதுகாப்பதற்காகவும், சாட்சியங்களை பாதுகாப்பதற்காகவும் நடவடிக்கை எடுக்குமாறு கோருகின்றோம் என்று குறிப்பிட்டார். &nbsp;&nbsp;

செம்மணி புதைகுழி விசாரணைகள் துரிதம் - நீதி அமைச்சர்

செம்மணி புதைகுழி விசாரணைகள் துரிதம் - நீதி அமைச்சர்

You may also like