2027ஆம் ஆண்டுக்கான வரவு-செலவுத் திட்டத்தை, நலன்புரிச் சலுகைகள் அல்லது வரிச் சலுகைகளின் அடிப்படையில் மட்டுமே பொது மக்கள் மதிப்பிடக்கூடாது என்றும், மாறாக அதன் ஒட்டுமொத்த பொருளாதாரப் போக்கு மற்றும் அது கொண்டுவர முனையும் மாற்றங்களைக் கருத்தில் கொள்ள வேண்டும் என்றும் நிதித்துறை பிரதி அமைச்சர் அனில் ஜயந்த பெர்னாண்டோ தெரிவித்துள்ளார். வரவு-செலவுத் திட்டத்தை ஒரு பரந்த கண்ணோட்டத்துடன் மதிப்பிட வேண்டியதன் அவசியத்தை வலியுறுத்திய பிரதி அமைச்சர், அதன் உண்மையான முக்கியத்துவம் என்பது, அதில் முன்மொழியப்பட்டுள்ள திட்டங்கள் எவ்வாறு பொருளாதாரத்தை மாற்றியமைக்கவும், உற்பத்தியை விரிவுபடுத்தவும், தரமான முதலீடுகளை ஈர்க்கவும், வேலைவாய்ப்புகளை உருவாக்கவும் உதவும் என்பதில் தான் அடங்கியுள்ளது என்று கூறினார். தேசிய மக்கள் சக்தியின் (NPP) நிர்வாகத்தின் கீழ் அரசாங்கம் சமர்ப்பிக்கும் மூன்றாவது வரவு-செலவுத் திட்டம் குறித்து விசேட அறிக்கை ஒன்றை வெளியிட்ட பிரதி அமைச்சர் அனில் ஜயந்த, முதல் இரண்டு வரவு-செலவுத் திட்டங்களும் பொருளாதாரச் சவால்களை எதிர்கொள்வதிலும், நாட்டில் மிகவும் அவசியமான பாரிய பொருளாதார நிலைத்தன்மையை (macroeconomic stability) உறுதிப்படுத்துவதிலும் கவனம் செலுத்தியதாகக் குறிப்பிட்டார். பொருளாதார நிலைத்தன்மையை நோக்கிய முன்னேற்றத்தை எட்டியுள்ள நிலையில், அரசாங்கம் தற்போது பொருளாதார விரிவாக்கம் மற்றும் கட்டமைப்பு மாற்றங்களை நோக்கி நகர முற்பட்டு வருவதாக அவர் தெரிவித்தார்.

'சலுகைகளை மட்டும் வைத்து மதிப்பிடாதீர்கள்' - பட்ஜெட் குறித்து பிரதி அமைச்சர் கருத்து

'சலுகைகளை மட்டும் வைத்து மதிப்பிடாதீர்கள்' - பட்ஜெட் குறித்து பிரதி அமைச்சர் கருத்து

You may also like