சீரற்ற காலநிலையை காரணமாக, களு கங்கை பகுதியில் அடுத்த 24 மணித்தியாலங்களுக்குள் வெள்ளம் ஏற்படக்கூடும் என நீர்ப்பாசனத் திணைக்களம் எச்சரிக்கை விடுத்துள்ளது. களு கங்கை நீரேந்து பகுதிகளில் கணிசமான மழைவீழ்ச்சி பதிவாகியுள்ளதுடன், தொடர்ந்து மழை பெய்து வருவதால் இந்த எச்சரிக்கை விடுக்கப்பட்டுள்ளது. இதன் பிரகாரம், இரத்தினபுரி மாவட்டத்தின் பெல்மதுல்ல, நிவித்திகல, இரத்தினபுரி, குருவிட்ட, அயகம மற்றும் எலபாத்த ஆகிய பிரதேச செயலகப் பிரிவுகளிலும், களுத்துறை மாவட்டத்தின் இங்கிரிய, ஹொரணை, தொடங்கொட, மில்லனிய, புலத்சிங்கள, மதுராவல மற்றும் பாலிந்தநுவர ஆகிய பிரதேச செயலகப் பிரிவுகளிலும் வெள்ளப்பெருக்கு ஏற்படக்கூடும் என அறிவிக்கப்பட்டுள்ளது. எனவே, குறித்த பகுதிகளில் வாழும் மக்களும், அப்பகுதிகளின் ஊடாகப் பயணிக்கும் வாகன சாரதிகள்அவதானத்துடன் செயற்படுவதுடன், முன்னெச்சரிக்கையாக செயற்படுமாறும் அறிவுறுத்தப்பட்டுள்ளனர். மேலும், அனர்த்த முகாமைத்துவ அதிகாரிகள் முன்னெச்சரிக்கை நடவடிக்கைகளை எடுக்குமாறும் நீர்ப்பாசனத் திணைக்களம் கேட்டுக் கொண்டுள்ளது.

களுகங்கையை அண்டிய பகுதிகளில் வெள்ள அபாயம்!

களுகங்கையை அண்டிய பகுதிகளில் வெள்ள அபாயம்!

You may also like