சர்வதேச ரி20 கிரிக்கெட் போட்டிகளில் இந்திய அணியின் தொடக்க ஆட்டக்காரர் அபிஷேக் சர்மா 2,000 ஓட்டங்களைக் கடந்து புதிய மைல்கல்லை எட்டியுள்ளார். இந்தியா - மேற்கிந்தியத் தீவுகள் அணிகளுக்கு இடையிலான மூன்றாவது ரி20 போட்டி நேற்று (11) இந்தூரில் நடைபெற்றது. இப்போட்டியில் இந்திய அணி 14 ஓட்டங்கள் வித்தியாசத்தில் மேற்கிந்தியத் தீவுகள் அணியை வீழ்த்தியது. இப்போட்டியில் அதிரடியாக விளையாடிய அபிஷேக் சர்மா, 30 பந்துகளில் 6 பவுண்டரிகள் மற்றும் 5 சிக்ஸர்கள் அடங்கலாக 69 ஓட்டங்களைக் குவித்தார். இதன் மூலம் சர்வதேச ரி20 போட்டிகளில் தனது மொத்த ஓட்ட எண்ணிக்கையை 2,000ஐக் கடந்து உயர்த்தியுள்ளார். இதுவரை இந்திய அணிக்காக 65 சர்வதேச ரி20 போட்டிகளில் விளையாடியுள்ள அபிஷேக் சர்மா, 2,036 ஓட்டங்களைக் குவித்துள்ளார். இதில் 14 அரைச்சதங்கள் மற்றும் 3 சதங்கள் அடங்குகின்றன. அவரது அதிகபட்ச ஓட்ட எண்ணிக்கை 135 ஆகும். இந்தியா - மேற்கிந்தியத் தீவுகள் அணிகளுக்கு இடையிலான நான்காவது ரி20 போட்டி எதிர்வரும் 14ஆம் திகதி ஹைதராபாத்தில் நடைபெறவுள்ளது.

சர்வதேச ரி20 போட்டிகளில் 2,000 ஓட்டங்களைக் கடந்தார் அபிஷேக் சர்மா!

சர்வதேச ரி20 போட்டிகளில் 2,000 ஓட்டங்களைக் கடந்தார் அபிஷேக் சர்மா!

You may also like