2026 ரக்பி லீக் உலகக் கிண்ணத் தொடரின் தொடக்க ஆட்டத்தில் அவுஸ்திரேலியாவுக்கு எதிராக விளையாடிய நியூசிலாந்து அணியின் நட்சத்திர வீரர் கலின் பொங்கா (Kalyn Ponga), இடது கையில் எலும்பு முறிவு ஏற்பட்டதால் அறுவைச் சிகிச்சைக்கு உட்படுத்தப்படவுள்ளார்.&nbsp; சிட்னியில் நேற்று(15) நடைபெற்ற இப்போட்டியில் அவுஸ்திரேலியா 24–22 என்ற புள்ளிகள் கணக்கில் வெற்றிபெற்றது.&nbsp; நியூசிலாந்து அணிக்காக தனது முதல் சர்வதேசப் போட்டியில் விளையாடிய 28 வயதான பொங்கா, இரண்டு ட்ரைகளைப் பெற்றதுடன், 253 மீற்றர் தூரம் பந்துடன் முன்னேறி சிறப்பான ஆட்டத்தை வெளிப்படுத்தினார்.&nbsp; இரண்டாவது பாதியில் காயமடைந்த போதிலும் தொடர்ந்து விளையாடிய அவர், போட்டியின் 70ஆவது நிமிடத்தில் மைதானத்திலிருந்து வெளியேறினார். பொங்காவுக்கு அறுவைச் சிகிச்சை மேற்கொள்ளப்படவுள்ள நிலையில், அவர் உலகக் கிண்ணத் தொடரில் தொடர்ந்து விளையாட முடியுமா என்பது இன்னும் உறுதியாகவில்லை.&nbsp; இருப்பினும், சிகிச்சைக்குப் பின்னர் அவரது உடல்நிலையை மதிப்பீடு செய்யும் வரை அணியுடன் முகாமில் தங்கியிருப்பார் என நியூசிலாந்து அணியின் மருத்துவர் கிரெக் மெக்லியோட் தெரிவித்துள்ளார்.&nbsp; நியூசிலாந்து அணி அடுத்ததாக குக் தீவுகள் அணியையும் பின்னர் பிஜி அணியையும் எதிர்கொள்ளவுள்ளது.&nbsp; 2008ஆம் ஆண்டுக்குப் பின்னர் உலகக் கிண்ணத்தை மீண்டும் கைப்பற்றும் இலக்குடன் களமிறங்கியுள்ள நியூசிலாந்துக்கு, பொங்காவின் காயம் பெரும் பின்னடைவாகக் கருதப்படுகிறது.

ரக்பி லீக் உலகக் கிண்ண போட்டியில் நியூசிலாந்துக்கு ஏற்பட்டுள்ள பின்னடைவு!

ரக்பி லீக் உலகக் கிண்ண போட்டியில் நியூசிலாந்துக்கு ஏற்பட்டுள்ள பின்னடைவு!

You may also like