நுவரெலியா மாவட்டத்தின் இராகலை சென்லேனாட்ஸ் தோட்டத்தில் நீதிமன்றத் தீர்ப்பின் அடிப்படையில் ஆறு குடும்பங்கள் குடியிருப்புகளில் இருந்து வெளியேற்றப்பட்ட சம்பவம் தொடர்பில் பெருந்தோட்டம் மற்றும் சமூக உட்கட்டமைப்பு பிரதி அமைச்சர் சுந்தரலிங்கம் பிரதீப் இன்று (12) சம்பவ இடத்துக்கு நேரில் சென்று ஆய்வு மேற்கொண்டார். பாதிக்கப்பட்ட குடும்பங்களின் நிலைமையை கேட்டறிந்த அவர், இந்த வழக்கு தற்போதைய அரசாங்கத்தின் காலத்தில் தொடங்கப்பட்டதல்ல என்றும், கடந்த காலங்களில் தாக்கல் செய்யப்பட்ட வழக்கின் தீர்ப்பின் அடிப்படையிலேயே வெளியேற்ற நடவடிக்கை இடம்பெற்றதாகவும் தெரிவித்துள்ளார்.&nbsp; இது தொடர்பாக முன்வைக்கப்படும் விமர்சனங்கள் தவறானவை என்றும் அவர் சுட்டிக்காட்டினார். மேலும், குறித்த விவகாரம் தொடர்பில் நிலச் சீர்திருத்த ஆணைக்குழுவுடன் கலந்துரையாடி உண்மையான பின்னணியை ஆராய்ந்து, பாதிக்கப்பட்ட மக்களுக்கு நியாயமான தீர்வை பெற்றுக்கொடுக்க நடவடிக்கை எடுக்கப்படும் எனவும் கூறினார். தற்போது தற்காலிக தங்குமிட வசதி ஏற்பாடு செய்யப்பட்டுள்ள நிலையில், விரைவில் நிரந்தர குடியிருப்பு வசதியை வழங்க தேவையான நடவடிக்கைகள் மேற்கொள்ளப்படும் என்றும் அவர் உறுதியளித்தார். அத்துடன், அமைச்சர் லால்காந்தவுடனும் கலந்துரையாடி, பாதிக்கப்பட்ட குடும்பங்களுக்கு நிரந்தர வீடுகளை வழங்க அரசாங்கம் முன்னின்று செயற்படும் எனவும் தெரிவித்தார். இந்த விஜயத்தில் நுவரெலியா மாவட்ட பாராளுமன்ற உறுப்பினர் கலைச்செல்வி, வலப்பனை பிரதேச சபை உறுப்பினர்கள், பிரதேச அமைப்பாளர், அரச அதிகாரிகள் மற்றும் சம்பவத்துடன் தொடர்புடைய பலரும் கலந்து கொண்டனர்.

இராகலையில் வெளியேற்றப்பட்ட குடும்பங்களை சந்தித்தார் பிரதி அமைச்சர்

இராகலையில் வெளியேற்றப்பட்ட குடும்பங்களை சந்தித்தார் பிரதி அமைச்சர்

You may also like