டில்லியில் நீட் தேர்வு விவகாரத்தை மையமாகக் கொண்டு போராட்டத்தில் ஈடுபட்டிருந்த கரப்பான் பூச்சி ஜனதா கட்சி (சிஜேபி), தாம் முன்வைத்த கோரிக்கைகளை மத்திய அரசு ஏற்றுக்கொண்டதைத் தொடர்ந்து தனது போராட்டத்தை நிறைவு செய்துள்ளதாக அறிவித்துள்ளது. நீட் தேர்வில் இடம்பெற்றதாகக் கூறப்படும் முறைகேடுகளுக்கு பொறுப்பேற்று மத்திய கல்வித்துறை அமைச்சர் தர்மேந்திர பிரதான் பதவி விலக வேண்டும் என்ற கோரிக்கையை வலியுறுத்தி, கடந்த ஜூன் 20ஆம் திகதி முதல் ஜந்தர் மந்தரில் சி.ஜே.பி. போராட்டம் நடத்தி வந்தது. இந்தப் போராட்டத்திற்கு நாடு முழுவதும் ஆதரவு கிடைத்ததுடன், சமூக ஆர்வலர் சோனம் வாங்சுக்கும் 26 நாட்கள் உண்ணாவிரதப் போராட்டத்தில் ஈடுபட்டார். பின்னர், அவரது கோரிக்கைகளை மத்திய அரசு ஏற்றுக்கொண்டதைத் தொடர்ந்து அவர் உண்ணாவிரதத்தை முடித்துக்கொண்டார். இந்நிலையில், மத்திய கல்வித்துறை அமைச்சர் தர்மேந்திர பிரதான் இன்று தனது பதவியை இராஜிநாமா செய்ததுடன், சி.ஜே.பி. முன்வைத்த ஏனைய கோரிக்கைகள் தொடர்பிலும் அரசுடன் பேச்சுவார்த்தை நடத்தப்பட்டது. நீட் தேர்வால் உயிரிழந்த மாணவர்களின் குடும்பங்களுக்கு இழப்பீடு வழங்குதல் மற்றும் வன்முறையில் ஈடுபட்டதாகக் கூறப்படும் பொலிஸ் அதிகாரிகள் மீது நடவடிக்கை எடுப்பது உள்ளிட்ட கோரிக்கைகளையும் மத்திய அரசு ஏற்றுக்கொண்டதாகத் தெரிவிக்கப்பட்டுள்ளது. இதையடுத்து, சி.ஜே.பி. தனது போராட்டத்தை உத்தியோகபூர்வமாக முடித்து கொள்வதுடன் போராட்டத்தில் ஈடுபட்டிருந்த இளைஞர்கள் அமைதியாக வீடு திரும்புமாறும் கட்சி கேட்டுக்கொண்டுள்ளது.

போராட்டத்தைக் கைவிட்டதாக கரப்பான் பூச்சி ஜனதா கட்சி அறிவிப்பு

போராட்டத்தைக் கைவிட்டதாக கரப்பான் பூச்சி ஜனதா கட்சி அறிவிப்பு

You may also like