ஈரான் விவகாரத்தில் அமெரிக்காவுடன் இடம்பெறும் பேச்சுவார்த்தைகளுக்கு ஓமன் இடையூறாக இருந்தால், அந்நாட்டை குண்டுவீசி தாக்குவோம் என அமெரிக்க ஜனாதிபதி டொனால்ட் ட்ரம்ப் இன்று எச்சரித்துள்ளார்.&nbsp; அத்துடன், ஈரான் நிபந்தனையின்றிச் சரணடைய வேண்டும் எனவும் எச்சரித்தார். ஃபாக்ஸ் நியூஸ் ஊடகத்திற்கு அளித்த தொலைபேசி நேர்காணலில் ட்ரம்ப் இந்த அச்சுறுத்தலை விடுத்துள்ளார். ஓமன் மற்றும் ஈரான் இடையே ஹோர்முஸ் நீரிணை தொடர்பாக இடம்பெற்று வரும் பேச்சுவார்த்தைகளை குறிப்பிட்ட ட்ரம்ப், “ஓமன் எங்களுக்கு இடையூறாக இருந்தால், அவர்களை கடுமையாக குண்டுவீசி தாக்குவோம்” எனத் தெரிவித்துள்ளார்.&nbsp; இதேவேளை, ஹோர்முஸ் நீரிணை தொடர்பில் அமெரிக்காவும் தனியாக பேச்சுவார்த்தைகளை முன்னெடுத்து வருகிறது. உலகின் முக்கிய கடல்வழிப் போக்குவரத்து பாதைகளில் ஒன்றான ஹோர்முஸ் நீரிணை ஊடான எதிர்கால கடற்போக்குவரத்து ஏற்பாடுகள் குறித்து ஈரான் மற்றும் ஓமன் அதிகாரிகள் பல வாரங்களாக பேச்சுவார்த்தை நடத்தி வருகின்றனர்.&nbsp; இரு நாடுகளும் இணைந்து வெளியிடவுள்ள அறிக்கை தொடர்பில் பணியாற்றி வருவதாக ஈரான் வெளிவிவகார அமைச்சு தெரிவித்துள்ளது. எனினும், பெப்ரவரி 28ஆம் திகதி மத்திய கிழக்கில் போர் ஆரம்பமானதைத் தொடர்ந்து ஈரான் ஹோர்முஸ் நீரிணையை நடைமுறையில் மூடியதாகக் கூறப்படும் நிலையில், அந்த நீரிணை அமெரிக்காவின் கட்டுப்பாட்டில் இருப்பதாக ட்ரம்ப் தொடர்ந்து வலியுறுத்தி வருகிறார். கடந்த வெள்ளிக்கிழமை, ஹோர்முஸ் நீரிணையை அமெரிக்காவின் ஆட்சிப் பிரதேசமாக அறிவிக்கக்கூடும் என்றும் ட்ரம்ப் தெரிவித்திருந்தார். இதற்கு பதிலளித்த ஈரான், தாம் முற்றுகையிட்டுள்ள முக்கிய எரிசக்தி கடல்வழிப் பாதையான ஹோர்முஸ் நீரிணை “தொடர்ந்தும் ஈரானுக்குச் சொந்தமானதாகவே இருக்கும்” எனத் தெரிவித்தது.

"தடுத்தால் குண்டுவீசி அழிப்போம்" - ஓமன் நாட்டிற்கு ட்ரம்ப் விடுத்த எச்சரிக்கை

"தடுத்தால் குண்டுவீசி அழிப்போம்" - ஓமன் நாட்டிற்கு ட்ரம்ப் விடுத்த எச்சரிக்கை

You may also like