சொகுசு கார் ஒன்றை கொள்வனவு செய்தமை மற்றும் அதற்கான தவணைக்கட்டணங்களைச் செலுத்தியமைக்கான சரியான நிதி மூலங்களை ஆதாரத்துடன் உறுதிப்படுத்தத் தவறிய குற்றச்சாட்டில் கைது செய்யப்பட்ட பிரதான பொலிஸ் பரிசோதகர் வருணி போகஹவத்த, எதிர்வரும் வெள்ளிக்கிழமை (06) வரை விளக்கமறியலில் வைக்கப்பட்டுள்ளார். குற்றப் புலனாய்வுத் திணைக்களத்தால் (CID) கைது செய்யப்பட்ட இவர், இன்று (03) பிற்பகல் மாத்தறை நீதவான் நீதிமன்றத்தில் ஆஜர்படுத்தப்பட்டபோதே நீதவான் இந்த உத்தரவை பிறப்பித்துள்ளார். கொட்டவில பொலிஸ் நிலையத்தின் நிர்வாகப் பிரிவின் பொறுப்பதிகாரியாக கடமையாற்றிய இவரது நவீன ரக சொகுசு காரை குற்றப் புலனாய்வுப் பிரிவினர் அண்மையில் பறிமுதல் செய்திருந்தனர். மாத்தறை கூட்டுறவுச் சங்கத்தில் இடம்பெற்ற ஒரு பில்லியன் ரூபாய்க்கும் அதிகமான நிதி மோசடியுடன் தொடர்புடைய பிரதான சந்தேகநபர் ஒருவரே, பொலிஸ் பரிசோதகரின் காரற்கான லீசிங் தவணைக்கட்டணங்களைச் செலுத்தி வந்துள்ளார் என்பது முதற்கட்ட விசாரணைகளில் தெரியவந்துள்ள நிலையிலேயே இந்நடவடிக்கை எடுக்கப்பட்டுள்ளது.

வருணி போகஹவத்தவுக்கு விளக்கமறியல்

வருணி போகஹவத்தவுக்கு விளக்கமறியல்

You may also like