அரச புலனாய்வுச் சேவையின் முன்னாள் பணிப்பாளர் சுரேஷ் சலே தாக்கல் செய்த ரிட் மனுவை விசாரணைக்கு ஏற்பதா? இல்லையா? என்பது தொடர்பான உத்தரவு நவம்பர் மாதம் 27 ஆம் திகதி அறிவிக்கப்படும் என மேன்முறையீட்டு நீதிமன்றம் அறிவித்துள்ளது. நீண்ட பரிசீலனைகளுக்குப் பின்னர், சுரேஷ் சலே தாக்கல் செய்த மனு தொடர்பான வாய்மொழிச் சமர்ப்பணங்கள் இன்று (18) நிறைவடைந்தன. மேன்முறையீட்டு நீதிமன்றத்தின் தலைவரான நீதியரசர் ரொஹாந்த அபேசூரிய மற்றும் நீதியரசர் பிரியந்த பெர்னாண்டோ ஆகியோர் அடங்கிய நீதியரசர்கள் குழாம் முன்னிலையில் இந்த சமர்ப்பணங்கள் இடம்பெற்றன. மனுதாரரான சுரேஷ் சலே சார்பில் ஜனாதிபதி சட்டத்தரணி சஞ்சீவ ஜயவர்தன இன்று பதில் வாய்மொழிச் சமர்ப்பணங்களை முன்வைத்து நிறைவு செய்தார். இதனையடுத்து, எழுத்துப்பூர்வ சமர்ப்பணங்கள் ஏதேனும் இருப்பின் அவற்றை எதிர்வரும் ஒக்டோபர் 20ஆம் திகதிக்கு முன்னர் தாக்கல் செய்யுமாறு நீதிமன்றம் தரப்பினருக்கு உத்தரவிட்டது. அதன் பின்னர், குறித்த மனுவை விசாரணைக்கு ஏற்றுக்கொள்வதா இல்லையா என்பது தொடர்பான உத்தரவும், இடைக்கால நிவாரணக் கோரிக்கைகள் தொடர்பான உத்தரவும் எதிர்வரும் நவம்பர் 27ஆம் திகதி அறிவிக்கப்படும் என நீதியரசர்கள் குழாம் அறிவித்தது.

சலே மனு - நவம்பர் 27ஆம் திகதி உத்தரவு அறிவிப்பு

சலே மனு - நவம்பர் 27ஆம் திகதி உத்தரவு அறிவிப்பு

You may also like