இலங்கையில் ஸ்மார்ட்போன்களை எளிதாகவும் மலிவு விலையிலும் கொள்வனவு செய்வதற்கான நிதியுதவி வசதிகளை விரிவுபடுத்தும் நோக்கில், டயலொக் ஃபைனான்ஸ் பிஎல்சி மற்றும் Softlogic Retail நிறுவனம் ஆகியவை மூலோபாயக் கூட்டாண்மையில் இணைந்துள்ளன. இந்தக் கூட்டாண்மையின் ஊடாக, டயலொக் ஃபைனான்ஸின் டிஜிட்டல் நிதிச் சேவைகளையும் Softlogic நிறுவனத்தின் சில்லறை விற்பனை வலையமைப்பையும் இணைத்து, Lesi Pay திட்டத்தின் மூலம் ஸ்மார்ட் சாதனங்களுக்கான நிதியுதவியை வாடிக்கையாளர்கள் எளிதாகப் பெற்றுக்கொள்ள வழிவகை செய்யப்பட்டுள்ளது. இதன்படி, வாடிக்கையாளர்கள் Dialog Pay செயலி மூலம் தங்களின் தகுதியை டிஜிட்டல் முறையில் சரிபார்த்து, இக்கூட்டாண்மையில் பங்கேற்கும் Softlogic விற்பனை நிலையங்கள் மற்றும் காட்சிக்கூடங்களில் ஸ்மார்ட் சாதனங்களைக் கொள்வனவு செய்ய முடியும். Lesi Pay திட்டத்தின் கீழ், தகுதியுடைய வாடிக்கையாளர்கள் கடன் அட்டை அல்லது உத்தரவாதியின்றி, குறைந்தபட்ச முன்பணத்துடன் 18 மாதங்கள் வரையிலான தவணை முறையில் நிதியுதவியைப் பெற்றுக்கொள்ளலாம். அத்துடன், காகிதமற்ற விண்ணப்பச் செயல்முறை மற்றும் குறைந்தபட்ச ஆவணத் தேவைகள் மூலம் நிதியுதவி பெறுவதற்கான நடைமுறைகளும் எளிமைப்படுத்தப்பட்டுள்ளன. இந்தக் கூட்டாண்மை குறித்துக் கருத்துத் தெரிவித்த டயலொக் ஆசிஆட்டா குழுமத்தின் தலைமை டிஜிட்டல் சேவைகள் அதிகாரி ரேணுகா பெர்னாண்டோ, ஸ்மார்ட்போன்கள் கல்வி, வேலைவாய்ப்பு, நிதி முகாமைத்துவம் மற்றும் டிஜிட்டல் பொருளாதாரத்தில் பங்கேற்பதற்கு அத்தியாவசியமானவையாக மாறியுள்ளன எனக் குறிப்பிட்டார். Softlogic Retail உடனான கூட்டாண்மை, அதிகளவிலான இலங்கையர்கள் ஸ்மார்ட் சாதனங்களை எளிதாகவும் மலிவு விலையிலும் பெற்றுக்கொள்வதற்கான முக்கியமான நடவடிக்கை என்றும் அவர் தெரிவித்தார். Softlogic Holdings PLC நிறுவனத்தின் நிறைவேற்றுப் பணிப்பாளர் ரஞ்சன் பெரேரா கருத்துத் தெரிவிக்கையில், டயலொக் ஃபைனான்ஸுடனான கூட்டாண்மை மூலம் வாடிக்கையாளர்கள் தங்களுக்குத் தேவையான ஸ்மார்ட்போன்களை நெகிழ்வான நிதியுதவி முறையில் கொள்வனவு செய்ய முடியும் எனக் குறிப்பிட்டார். மேலும், வேகமான மற்றும் வசதியான கொள்வனவு அனுபவத்தை வழங்குவதற்கு Lesi Pay திட்டம் உதவும் என்றும் அவர் தெரிவித்தார். Softlogic Max உள்ளிட்ட Softlogic நிறுவனத்தின் பங்கேற்கும் சில்லறை விற்பனை நிலையங்கள் மற்றும் காட்சிக்கூடங்கள் ஊடாகவும், டயலொக் ஃபைனான்ஸின் அங்கீகரிக்கப்பட்ட கூட்டாண்மை வலையமைப்பு ஊடாகவும் Lesi Pay சேவையைப் பெற்றுக்கொள்ள முடியும். இந்த முன்னெடுப்பின் மூலம், ஸ்மார்ட்போன்களை வாங்குவதற்கான ஆரம்ப நிதிச் சுமையைக் குறைத்து, இலங்கையின் டிஜிட்டல் பொருளாதாரத்தில் அதிகமானோர் பங்கேற்பதற்கான வாய்ப்புகளை விரிவுபடுத்த இரு நிறுவனங்களும் எதிர்பார்க்கின்றன.

டயலொக் - Softlogic கூட்டாண்மை: ஸ்மார்ட்போன் வாங்க எளிய நிதியுதவி!

டயலொக் - Softlogic கூட்டாண்மை: ஸ்மார்ட்போன் வாங்க எளிய நிதியுதவி!

You may also like