&nbsp;நுவரெலியா மாவட்ட மேல் நீதிமன்றத்தில் இன்று (29) மரண தண்டனை விதிக்கப்பட்ட கைதி ஒருவர், நீதிமன்ற வளாகத்திற்குள்ளேயே நஞ்சு அருந்தி உயிரை மாய்க்க முயன்ற சம்பவம் பெரும் பரபரப்பை ஏற்படுத்தியுள்ளது. உடப்புசல்லாவ பகுதியைச் சேர்ந்த 44 வயதுடைய நபர் ஒருவரே இவ்வாறு தற்கொலைக்கு முயன்றவராவார். கடந்த கால கொலைச் சம்பவம் ஒன்றுடன் தொடர்புடைய குறித்த நபருக்கு எதிரான குற்றச்சாட்டுகள் நியாயமான சந்தேகத்திற்கு இடமின்றி நிரூபிக்கப்பட்டதையடுத்து, நுவரெலியா மாவட்ட மேல் நீதிமன்ற நீதிபதி விராஜ் வீரசூரிய இன்று அவருக்கு மரண தண்டனை விதித்து தீர்ப்பளித்தார். இத்தீர்ப்பை அடுத்து, அவர் நீதிமன்றக் கூண்டிலிருந்து சிறை அறைக்கு அழைத்துச் செல்லப்பட்ட போதே, தன்வசம் மறைத்து வைத்திருந்த நஞ்சை திடீரென அருந்தியுள்ளார். இதனைத் தடுத்து நிறுத்திய சிறைச்சாலை அதிகாரிகள் மற்றும் பொலிஸார், உடனடியாக அவரை மீட்டு நுவரெலியா மாவட்ட பொது வைத்தியசாலையில் சேர்த்தனர். தற்போது அவர் அங்கு தீவிர சிகிச்சை பிரிவில் அனுமதிக்கப்பட்டுள்ளார். இச்சம்பவம் குறித்து நுவரெலியா தலைமையக பொலிஸார் மேலதிக விசாரணைகளை மேற்கொண்டுவருகின்றனர்.

மரண தண்டனை தீர்ப்பு வெளியானதும் கைதி உயிரை மாய்க்க முயற்சி

மரண தண்டனை தீர்ப்பு வெளியானதும் கைதி உயிரை மாய்க்க முயற்சி

You may also like