இலங்கையின் நுண், சிறிய மற்றும் நடுத்தர அளவிலான தொழில் முயற்சிகளை வலுப்படுத்துவதற்கும், அனைவரையும் உள்ளடக்கிய நிதிச் சூழலை உருவாக்குவதற்கும் ஆசிய அபிவிருத்தி வங்கியிடமிருந்து 200 மில்லியன் அமெரிக்க டொலர் நிதியுதவியைப் பெற்றுக்கொள்வதற்கு நடவடிக்கை எடுக்கப்பட்டுள்ளது. சர்வதேச நாணய நிதியத்தின் விரிவான நிதி வசதிகள் வேலைத்திட்டத்திற்கு இணையாக, இலங்கையின் பொருளாதார மறுசீரமைப்பு நடவடிக்கைகளை முன்னெடுப்பதற்காக ஆசிய அபிவிருத்தி வங்கியிடமிருந்து ஐந்து உப வேலைத்திட்டங்களின் கீழ் மொத்தம் 620 மில்லியன் அமெரிக்க டொலர் கொள்கை அடிப்படையிலான கடனைப் பெற்றுக்கொள்ள ஏற்கனவே அமைச்சரவை அனுமதி வழங்கியிருந்தது. இதன் முதற்கட்ட உப வேலைத்திட்டத்தின் கீழ், நுண், சிறிய மற்றும் நடுத்தர அளவிலான தொழில் முயற்சிகளை வலுப்படுத்தும் நோக்கில் நிதியுதவி வழங்கப்படவுள்ளது. இதற்காக ஆசிய அபிவிருத்தி வங்கியுடன் நடத்தப்பட்ட கடன் பேச்சுவார்த்தைகள் நிறைவடைந்துள்ளன.இதற்கமைய, ஆசிய அபிவிருத்தி வங்கியின் நிரந்தர பொது மூலதன வளங்களின் கீழ் 100 மில்லியன் அமெரிக்க டொலர் கொள்கை அடிப்படையிலான கடனாகவும், மேலும் 100 மில்லியன் அமெரிக்க டொலர் நிதி இடையீட்டுக் கடனாகவும் பெற்றுக்கொள்ளத் திட்டமிடப்பட்டுள்ளது. குறித்த நிதியைப் பெற்றுக்கொள்வதற்காக ஆசிய அபிவிருத்தி வங்கியுடன் ஒப்பந்தம் மேற்கொள்வதற்கான யோசனை நிதி, திட்டமிடல் மற்றும் பொருளாதார அபிவிருத்தி அமைச்சரால் அமைச்சரவையில் சமர்ப்பிக்கப்பட்டுள்ளது.

நடுத்தர தொழில் முயற்சிகளுக்கு அமெரிக்க டொலர் நிதியுதவி!

நடுத்தர தொழில் முயற்சிகளுக்கு அமெரிக்க டொலர் நிதியுதவி!

You may also like