டெல்லி கெப்பிட்டல்ஸ் கிரிக்கெட் அணி வீரரான அபிஷேக் போரல் உட்பட பாலியல் துஷ்பிரயோக வழக்கு தொடர்புடைய மேலும் ஒரு நபரையும் உடனடியாகக் கைது செய்ய&nbsp;வேண்டுமென ஹூக்ளியில் உள்ள மக்ரா பொலிஸாருக்கு&nbsp;நீதிமன்றம்&nbsp;உத்தரவிட்டுள்ளது. கல்கத்தாவைச் சேர்ந்த மருத்துவக் கல்லூரி மாணவி ஒருவர், ஹூக்ளியில் உள்ள மக்ரா பொலிஸ்&nbsp;நிலையத்தில் அபிஷேக் போரல் மீது&nbsp;முறைப்பாடு&nbsp;செய்துள்ளார்.&nbsp; காதல் என்ற பெயரில் தன்னை ஏமாற்றிப் பாலியல் துஷ்பிரயோகம்&nbsp; செய்ததாகவும்,இருவரும் தனியாக இருந்தபோது எடுத்த அந்தரங்கப் புகைப்படங்களை வைத்துத் தன்னை மிரட்டியதாகவும்&nbsp;அவர் குறிப்பிட்டிருந்தார். இதன் அடிப்படையில் அபிஷேக் உட்பட இருவர் மீது&nbsp;பல்வேறு பிரிவுகளின் கீழ் பொலிஸார்&nbsp;வழக்குப்பதிவு செய்தனர். நீதிபதி சௌகதா பட்டாச்சார்யா தலைமையிலான அமர்வு இந்த வழக்கை விசாரித்தது. விசாரணையின்போது மாணவி தரப்பு வழக்கறிஞர், "இந்த இரு நபர்களும் தங்களது கட்சிக்காரரை மட்டுமன்றி, வேறு பல பெண்களையும் ஆசை வார்த்தைகள் கூறி&nbsp;அவர்களின் அந்தரங்கப் புகைப்படங்களை வைத்து மிரட்டியுள்ளனர்" என்ற அதிர்ச்சித் தகவலையும்&nbsp;முன்வைத்துள்ளார். அத்துடன், அவரிடம் உள்ள மின்னணு சாதனங்களை&nbsp;உடனடியாகக் கைப்பற்ற வேண்டுமெனவும் தெரிவிக்கப்பட்டுள்ளது.&nbsp; இந்தச் சட்டபூர்வக் கைது நடவடிக்கைகளைத் தொடர்ந்து எடுக்கப்படும் அடுத்தகட்ட நடவடிக்கைகள் குறித்து எதிர்வரும் 11ஆம் திகதிக்குள் விரிவான அறிக்கை தாக்கல் செய்ய வேண்டுமென நீதிமன்றம் உத்தரவிட்டுள்ளது.

கிரிக்கெட் வீரர் அபிஷேக் போரலை உடனடியாகக் கைது செய்ய நீதிமன்றம் அதிரடி உத்தரவு

கிரிக்கெட் வீரர் அபிஷேக் போரலை உடனடியாகக் கைது செய்ய நீதிமன்றம் அதிரடி உத்தரவு

You may also like