இலங்கைக்கு வருகை தந்த சுற்றுலாப் பயணிகளின் எண்ணிக்கை 950,000-ஐத் தாண்டியுள்ளதாக இலங்கை சுற்றுலா அபிவிருத்தி ஆணைக்குழு தெரிவித்துள்ளது. இதன்படி, 2026 ஜனவரி 1 முதல் மே 17 வரையான காலப்பகுதியில் மொத்தம் 951,742 சுற்றுலாப் பயணிகள் நாட்டுக்கு வருகை தந்துள்ளனர். அதிகளவிலான வருகை இந்தியாவிலிருந்து பதிவாகியுள்ளதுடன், அங்கிருந்து 221,953 சுற்றுலாப் பயணிகள் வந்துள்ளதாக இலங்கை சுற்றுலா அபிவிருத்தி ஆணைக்குழு குறிப்பிட்டுள்ளது. அத்துடன் ஐக்கிய இராச்சியம், ரஷ்யா, சீனா மற்றும் ஜெர்மனி உள்ளிட்ட நாடுகளிலிருந்தும் கணிசமான எண்ணிக்கையிலான பார்வையாளர்கள் வருகை தந்துள்ளனர். இதேவேளை, 2026 மே 1 முதல் மே 17 வரையான காலப்பகுதியில் மொத்தம் 75,465 சுற்றுலாப் பயணிகள் நாட்டிற்கு வருகை தந்துள்ளதாக இலங்கை சுற்றுலா அபிவிருத்தி ஆணைக்குழு தெரிவித்துள்ளது. இருப்பினும், 2026 ஆம் ஆண்டின் முதல் மூன்று மாதங்களுடன் ஒப்பிடுகையில், மே மாதத்தில் தினசரி சுற்றுலாப் பயணிகளின் வருகை கணிசமாகக் குறைந்துள்ளதாக தரவுகள் காட்டுகின்றன.

இலங்கையில் சுற்றுலா பயணிகளின் எண்ணிக்கை அதிகரிப்பு

இலங்கையில் சுற்றுலா பயணிகளின் எண்ணிக்கை அதிகரிப்பு

You may also like