NDB வங்கியின் இஸ்லாமிய வங்கியியல் பிரிவான NDB ஷரீக், கொழும்பில் அண்மையில் நடைபெற்ற கெளரவமிக்க 9 ஆவது தெற்காசியாவின் இஸ்லாமிய நிதி மன்ற (IFFSA) விருதுகளில் பல பாராட்டுகளைப் பெற்று இஸ்லாமிய வங்கியியல் மற்றும் நிதித் துறையில் தனது தலைமைத்துவத்தை மீண்டும் உறுதிப்படுத்தியுள்ளது. இஸ்லாமிய வங்கிச் சாளரம்/ஆண்டுக்கான அலகு என்ற தங்க விருதையும் இலங்கையின் முன்னணி உணவு உற்பத்தியாளருடன் இணைந்து பணியாற்றியதற்காக ஆண்டின் சிறந்த ஒப்பந்தம் என்ற பிரிவின் கீழ் மற்றொரு தங்க விருதையும் வங்கி பெருமையுடன் வென்றது. இந்த நிறுவன விருதுகளுக்கு மேலதிகமாக, ஃபஹ்மி ரஹீம் ஆண்டுக்கான மிளிரும் நட்சத்திரத்துக்கான வெள்ளி விருதுடன் அங்கீகரிக்கப்பட்டார்.IFFSA விருதுகள், பிராந்தியத்தில் இஸ்லாமிய வங்கியியல் மற்றும் நிதிக்கான மிகவும் மதிப்புமிக்க தளங்களில் ஒன்றாக அங்கீகரிக்கப்பட்டுள்ளதுடன் தெற்காசியா முழுவதும் தொழில்துறையில் தனிநபர்கள் மற்றும் நிறுவனங்களின் குறிப்பிடத்தக்க பங்களிப்பைக் கொண்டாடுகிறது. இந்த ஆண்டுக்கான விருதுகள் அவற்றின் செயற்பாடுகளில் விதிவிலக்கான செயல்திறன், புதுமை, தொழில்நுட்ப ஒருங்கிணைப்பு மற்றும் சமூகப் பொறுப்பு ஆகியவற்றை வெளிப்படுத்திய நிறுவனங்களை முன்னிலைப்படுத்துவதில் கவனம் செலுத்துவதாக அமைந்திருந்தன. அண்மையில் தனது 10ஆவது ஆண்டு நிறைவைக் கொண்டாடிய NDB ஷரீக்குக்கு இந்த அங்கீகாரம் கிடைத்துள்ளது. கடந்த தசாப்தத்தில் NDB ஷரீக், ஷரியாவுக்கு இணங்கக்கூடிய பல்வேறு வகையான நிதியியல் தீர்வுகள் மற்றும் சேவைகளைத் தொடர்ந்து வழங்கியுள்ளது. இது தனிநபர்கள் மற்றும் வர்த்தகங்கள் மீது அர்த்தமுள்ள தாக்கத்தை ஏற்படுத்துகிறது.

9ஆவது IFFSA விருதுகள் 2024இல் ஒளிர்ந்த NDB ஷரீக்

9ஆவது IFFSA விருதுகள் 2024இல் ஒளிர்ந்த NDB ஷரீக்

You may also like