"பட்டலந்த விசாரணை ஆணைக்குழு அறிக்கையை பாராளுமன்றத்தில் சமர்ப்பிக்க தற்போதைய அமைச்சரவை அனுமதித்துள்ளது என்றால் மக்கள் விடுதலை முன்னணி மனித படுகொலைகளை செய்தது என்பதை திசைகாட்டி அரசாங்கம் உத்தியோகபூர்வமாக ஏற்றுக்கொண்டுள்ளது. எனவே, அந்தக் காலப்பகுதியில் இடம்பெற்ற கொலைச் சம்பவங்களுக்கும் குற்றச்செயல்களுக்கும் அரசாங்கம் எடுக்கப்போகும் நடவடிக்கையை உடனடியாக அறிவிக்க வேண்டும்” என்று பிவிதுரு ஹெல உருமயவின் தலைவர் உதய கம்மன்பில தெரிவித்தார். கட்சித் தலைமை அலுவலகத்தில் நேற்று (17) இடம்பெற்ற செய்தியாளர் மாநாட்டிலேயே இதனைக் குறிப்பிட்டார். இது தொடர்பில் அவர் தொடர்ந்து கருத்துத் தெரிவிக்கையில், கடந்த வெள்ளிக்கிழமை சபை முதல்வர் பிமல் ரத்நாயக்கவினால் பட்டலந்த ஆணைக்குழு அறிக்கை சபைக்கு சமர்ப்பிக்கப்பட்டது. அமைச்சரவை தீர்மானத்துக்கமையவே இந்த அறிக்கை பாராளுமன்றத்துக்கு சமர்ப்பிக்கப்படுகிறது என்பதே அவரின் நிலைப்பாடாகும். இதுதொடர்பில் அமைச்சரவையில் தீர்மானம் எடுக்கப்பட்டுள்ளது என்பதே இந்த அறிக்கையை அரசாங்கம் ஏற்றுக்கொண்டுள்ளது என்பதாகும். எனவே, அந்த அறிக்கையில் மூன்றாவது பகுதியானது மக்கள் விடுதலை முன்னணியின் செயற்பாடுகள் பற்றி பேசுவதற்காகவே ஒதுக்கப்பட்டுள்ளது. அந்தப் பகுதியின் பிரகாரம் ஐக்கிய தேசியக் கட்சியின் உறுப்பினர்கள் மாத்திரம் 1960 வரையிலானவர்கள் ஜே.வி.பியின் பயங்கரவாதிகளினால் கொலை செய்யப்பட்டுள்ளனர். அது மாத்திரமல்லாமல் பொலிஸார், இராணுவத்தினர், அரச உத்தியோகத்தர்கள் மற்றும் அவர்களின் குடும்பத்தாரை கூட ஜே.வி.பியினர் கொலை செய்ததாக இந்த அறிக்கையில் குறிப்பிடப்பட்டுள்ளது. இந்த அறிக்கையை அமைச்சரவையில் ஏற்றுக்கொண்டுள்ளார்கள் என்பதன் பொருள் மக்கள் விடுதலை முன்னணி இதனை ஏற்றுக்கொண்டுள்ளது என்பதாகும். ஐக்கிய தேசியக் கட்சியின் அரச பயங்கரவாதமும் தவறு. ஜே.வி.பியின் பயங்கரவாதமும் தவறாகும். அறிக்கையை தற்போதைய அமைச்சரவை ஏற்றுக்கொண்டது என்றால், ஜே.வி.பி. பயங்கரவாதம் என்று ஏற்றுக்கொண்டது என்றால் இந்த கொலைச் சம்பவங்களுக்கும் குற்றச்செயல்களுக்கும் அரசாங்கம் எடுக்கப்போகும் நடவடிக்கையை உடனடியாக அறிவிக்க வேண்டும்’’ என்றார்.

ஜே.வி.பியின் படுகொலைகளை திசைகாட்டி அரசே ஒப்புக்கொண்டது - சாடுகிறார் உதய கம்மன்பில

ஜே.வி.பியின் படுகொலைகளை திசைகாட்டி அரசே ஒப்புக்கொண்டது - சாடுகிறார் உதய கம்மன்பில

You may also like