அமெரிக்காவின் நியூயோர்க் நகரில் வரும் செப்டம்பர் மாதம் ஐக்கிய நாடுகள் சபையின் பொதுக்கூட்டம் நடைபெறவுள்ள நிலையில்,&nbsp;கூட்டத்தில் பங்கேற்க வரவிருக்கும் இஸ்ரேல் பிரதமர் பெஞ்சமின் நெதன்யாகுவை கைதுசெய்வதற்கான சட்டப்பூர்வ அதிகாரங்கள் மற்றும் எல்லைகள் குறித்து நியூயோர்க் நகர ஆளுநர் ஜோரான் மம்தானி தீவிர ஆலோசனை மேற்கொண்டு வருகின்றார். மேலும் சர்வதேச நீதித்துறை குறித்துப் பேசிய அவர், "பிரதமர் நெதன்யாகு சர்வதேச குற்றவியல் நீதிமன்றத்தால் குற்றம் சாட்டப்பட்ட ஒரு போர்க்குற்றவாளி. அவர் நெதர்லாந்தின் ஹாக்&nbsp;&nbsp;நகரில் உள்ள நீதிமன்றத்தில் இருக்க வேண்டியவர் என்று நான் நம்புகிறேன். கடந்த பல ஆண்டுகளாக அவருடைய செயல்கள் ஏற்படுத்திய விளைவுகளால், உலகளவில் பொதுமக்கள் பலரும் இதே கருத்தைக் கொண்டுள்ளனர்" என ஊடகங்களுக்கு கருத்து தெரிவித்தார்.&nbsp;&nbsp;இதேவேளை, அண்மையில்&nbsp;காசாவில் இஸ்ரேல் நடத்திய இராணுவ நடவடிக்கைகளில் போர்க்குற்றங்கள் மற்றும் மனிதகுலத்திற்கு எதிரான குற்றங்களைச் செய்ததாக எழுந்த முறைப்பாடுகளின்&nbsp;அடிப்படையில், இஸ்ரேல் பிரதமர் பெஞ்சமின் நெதன்யாகு மற்றும் முன்னாள் பாதுகாப்பு அமைச்சர் யோவ் கேலண்ட் ஆகியோருக்கு எதிராக சர்வதேச குற்றவியல் நீதிமன்றம் பிடியாணை பிறப்பித்துள்ளது. அத்துடன், முற்றுகையிடப்பட்ட காசா பகுதிக்குள் உணவு, தண்ணீர், எரிபொருள், மருந்து மற்றும் மின்சாரம் போன்ற அத்தியாவசிய மனிதாபிமான உதவிகள் நுழைவதைத் தடுத்து, போரின் ஒரு உத்தியாக பட்டினியைப் பயன்படுத்தியதாக நீதிமன்ற அறிக்கை சுட்டிக்காட்டுவதாகவும் அவர் தெரிவித்தார். பொதுமக்கள் வசிக்கும் பகுதிகளைத் திட்டமிட்டு இலக்கு வைத்துத் தாக்குதல் நடத்தியது, கொலை, துன்புறுத்தல் மற்றும் மனிதகுலத்திற்கு எதிரான பல்வேறு மனிதாபிமானமற்ற செயல்களில் ஈடுபட்டது போன்ற தீவிர குற்றச்சாட்டுகள் அவர்கள் மீது சுமத்தப்பட்டுள்ளது குறிப்பிடத்தக்கது.

ஐ.நா பொதுக்கூட்டம்- இஸ்ரேல் பிரதமரைக் கைதுசெய்ய நியூயோர்க் ஆளுநர் ஆலோசனை

ஐ.நா பொதுக்கூட்டம்- இஸ்ரேல் பிரதமரைக் கைதுசெய்ய நியூயோர்க் ஆளுநர் ஆலோசனை

You may also like