&nbsp;&nbsp;18-வது ஐ.பி.எல். ரி20 கிரிக்கெட் போட்டி கடந்த மார்ச் மாதம் 22-ந் திகதி தொடங்கியது. 10 அணிகள் பங்கேற்ற இந்தப் போட்டி பல்வேறு நகரங்களில் நடைபெற்றது.&nbsp; இந்தியா-பாகிஸ்தான் இடையேயான போர் பதற்றம் காரணமாக கடந்த 8-ந் திகதி தர்மசாலாவில் நடைபெற்ற பஞ்சாப்-டெல்லி இடையேயான போட்டி பாதியில் கைவிடப்பட்டது. இதை தொடர்ந்து போர் பதற்றம் எதிரொலியாக ஐ.பி.எல். போட்டி 1 வாரத்துக்கு ஒத்திவைக்கப்பட்டது.&nbsp; இதற்கிடையே இந்தியா- பாகிஸ்தான் இடையே போர் நிறுத்த ஒப்பந்தம் ஏற்பட்டதை தொடர்ந்து ஐ.பி.எல். போட்டியை நடத்த கிரிக்கெட் வாரியம் முடிவு செய்தது. இது தொடர்பாக நேற்று ஆலோசனை மேற்கொள்ளப்பட்டது.&nbsp; அதன்படி ஐ.பி.எல். எஞ்சிய ஆட்டங்களுக்கான போட்டி அட்டவணையை இந்திய கிரிக்கெட் கட்டுப்பாட்டு வாரியம் இன்று அறிவிக்க வாய்ப்பு இருப்பதாக தகவல் வெளியாகி உள்ளது.&nbsp; லக்னோ-பெங்களூரு அணிகள் மோதும் ஆட்டத்தில் இருந்து போட்டி தொடங்கும். டெல்லி-பஞ்சாப் இடையே பாதியில் ரத்து செய்யப்பட்ட ஆட்டம் மீண்டும் நடைபெறாது என்றும், இரு அணிகளுக்கும் தலா ஒரு புள்ளிகள் வழங்கப்படும் என்றும் கூறப்பட்டது.&nbsp; இதனால் எஞ்சிய 12 லீக் ஆட்டங்கள், 4 பிளே ஓஃப் போட்டி ஆக மொத்தம் 16 ஆட்டங்களுக்கான திருத்தி அமைக்கப்பட்ட அட்டவனையை வெளியிடுகிறது.&nbsp; வருகிற 16 அல்லது 17-ந் திகதி ஐ.பி.எல். போட்டி மீண்டும் தொடங்கலாம் என்று எதிர்பார்க்கப்படுகிறது. தர்மசாலா, டெல்லி, சண்டிகர், ஜெய்ப்பூர், மும்பை ஆகிய நகரங்களில் மீண்டும் போட்டி நடைபெற வாய்ப்பு இல்லை.&nbsp; சென்னை, ஐதராபாத், பெங்களூரு மற்றும் லக்னோ ஆகிய 4 நகரங்களில் எஞ்சிய ஆட்டங்களை நடத்த திட்டமிடப்பட்டுள்ளது.&nbsp; ஐ.பி.எல். இறுதிப்போட்டி கொல்கத்தாவில் நடைபெற வாய்ப்பு இல்லை. இறுதிப்போட்டி ஜூன் 1-ந் திகதி அகமதாபாத்தில் நடைபெறலாம் என்று தெரிகிறது.&nbsp; குவாலிபயர் 1 மற்றும் எலிமினேட்டர் ஆட்டங்கள் ஐதராபாத்தில் தான் நடைபெறும். அதில் மாற்றம் இருக்காது.&nbsp; போர் பதற்றத்தால் போட்டி 1 வாரத்துக்கு தள்ளி வைக்கப்பட்டதால் பெரும்பாலான வெளிநாட்டு வீரர்கள் நாடு திரும்பி விட்டனர். அவர்கள் ஐ.பி.எல். போட்டிக்காக மீண்டும் இந்தியா வருவது சந்தேகமே.&nbsp; டெல்லி அணியில் விளையாடும் அவுஸ்திரேலிய வேகப்பந்து வீரர் ஸ்டார்க் இந்தியா திரும்பமாட்டார் என்று அறிவித்துவிட்டார். இது டெல்லி அணிக்கு பின்னடைவாகும். அதேபோல் பெங்களூர் அணியில் விளையாடும் அவுஸ்திரேலிய வேகப்பந்து வீரர் ஹாசல்வுட் காயத்தால் இந்தியா வரமாட்டார்.&nbsp; சென்னை சூப்பர் கிங்ஸ், ராஜஸ்தான் ரோயல்ஸ், சன்ரைசர்ஸ் ஐதராபாத் ஆகிய 3 அணிகள் ஏற்கனவே பிளே ஓஃப் வாய்ப்பை இழந்துவிட்டன. 4 இடத்துக்கு 7 அணிகள் போட்டியில் உள்ளன.

ஐ.பி.எல். – 2025 : எஞ்சிய 16 போட்டிகளுக்கான போட்டி அட்டவணை இன்று அறிவிப்பு?

ஐ.பி.எல். – 2025 : எஞ்சிய 16 போட்டிகளுக்கான போட்டி அட்டவணை இன்று அறிவிப்பு?

You may also like