உக்ரைன் அமைதி பேச்சுவார்த்தை இடம்பெற்று வரும் அதே சூழலில், அமெரிக்க ஜனாதிபதி&nbsp; டொனால்ட் ட்ரம்பும், ரஷ்ய ஜனாதிபதி விளாடிமீர் &nbsp;புட்டினும் வெகு விரைவில் பேசுவார்கள் என்று கிரெம்ளின் உத்தியோகபூர்வமாக அறிவித்துள்ளது.&nbsp; இதன் மூலம், பேச்சுவார்த்தை இறுதிக்கட்டத்தில் உள்ளதாக கூறிய ட்ரம்பின் கூற்று உறுதியாகி இருக்கிறதாக தெரிவிக்கப்பட்டுள்ளது. &nbsp; ரஷ்யா-உக்ரைன் போரை முடிவுக்கு கொண்டு வர அமெரிக்காவின் இராஜதந்திர முயற்சிகள் தொடர்ந்து வருகின்றன. இதுகுறித்து பேச்சுவார்த்தை நடத்த அமெரிக்க ஜனாதிபதி டொனால்ட்&nbsp;ட்ரம்பை உக்ரைன் ஜனாதிபதி வொலோதிமீர்&nbsp;ஸெலென்ஸ்கி சந்தித்து பேசினார்.&nbsp; இருவருக்கிடையிலான சந்திப்புக்கு பின்னர் நிருபர்களிடம் பேசிய உக்ரைன் ஜனாதிபதி , 20 அம்சங்கள் கொண்ட போர்நிறுத்த ஒப்பந்தத்தில் 90 சதவீதம் உடன்பாடு எட்டப்பட்டுள்ளது. அமைதி ஏற்பட நாங்கள் தயாராக உள்ளோம் என்று அறிவித்தார். &nbsp;இந்நிலையில், போரை முடிவுக்கு கொண்டு வரும் பேச்சுவார்த்தைகள் இறுதிக்கட்டத்தில் இருக்கின்றன என்ற ட்ரம்பின் கூற்றை ஏற்றுக் கொள்வதாக கிரெம்ளின் செய்தித் தொடர்பாளர் டிமிட்ரி பெஸ்கோவ் அறிவித்துள்ளார்.&nbsp;&nbsp;இதுகுறித்து அவர் கூறியதாவது,அமெரிக்க ஜனாதிபதி டொனால்ட்&nbsp;ட்ரம்பும், ரஷ்ய ஜனாதிபதி விளாடிமீர் &nbsp;புட்டினும் மிக விரைவில் தொலைபேசியில் பேசுவார்கள் என்று எதிர்பார்க்கப்படுகிறது. அதற்கான ஏற்பாடுகள் நடந்து வருகின்றன.&nbsp;&nbsp;&nbsp;மோதலை முடிவுக்கு கொண்டு வர எடுக்கப்பட்டு பேச்சுவார்த்தைகள் இறுதிக்கட்டத்தில் உள்ளன என்று ட்ரம்ப் கூறியதை மொஸ்கோ ஏற்றுக் கொண்டுள்ளது. இவ்வாறு டிமிட்ரி பெஸ்கோவ் கூறினார்.&nbsp;

உக்ரைன் போர் நிறுத்தம் - விரைவில் ட்ரம்ப் : புட்டின் இடையே பேச்சுவார்த்தை

உக்ரைன் போர் நிறுத்தம் - விரைவில் ட்ரம்ப் : புட்டின் இடையே பேச்சுவார்த்தை

You may also like