அமெரிக்காவின் டெக்சாஸ் மாநிலத்திலிருந்து வொஷிங்டன் வரை 10 மாநிலங்களைக் கடந்து, 110 நாட்களாக முன்னெடுக்கப்பட்ட சமாதான நடைபயணத்திற்குத் தலைமை தாங்கிய பஞ்ஞாகர தேரர் உள்ளிட்ட மகா சங்கத்தினர் இந்நாட்டிற்கு வருகை தந்து, தம்புள்ளையிலிருந்து கொழும்பு கங்காராம விகாரையை நோக்கி ஆரம்பித்த சமாதான நடைபயணத்தின் மூன்றாம் நாள், உபய விகார மகா சங்கத்தினரதும் பிரதமர் ஹரிணி அமரசூரியவினதும் பங்கேற்புடன் இன்று (24) முற்பகல் கண்டி ஸ்ரீ தலதா மாளிகைக்கு முன்பாக ஆரம்பமானது. மூன்றாம் நாள் நடைபயணத்தை ஆரம்பிப்பதற்கு முன்னதாக, பஞ்ஞாகர தேரர் உட்பட மகா சங்கத்தினரும், பிரதமர் ஹரிணி அமரசூரியவும் தலதா மாளிகையில் வழிபாடுகளை மேற்கொண்டு மத அனுஷ்டானங்களில் ஈடுபட்டனர். அதனைத் தொடர்ந்து, தலதா மாளிகையின் பத்திரிப்புவ முன்பாக அமைக்கப்பட்ட விசேட மேடையில் மகா சங்கத்தினர் பிரித் பாராயணம் செய்து ஆசீர்வாதம் வழங்கினர். தலதா மாளிகைக்கு அருகில் ஆரம்பமான மூன்றாம் நாள் சமாதான நடைபயணம், மாவனெல்ல பெலிகம்மன வித்யாவர்த்தன பிரிவேனா பொத்குல் விகாரையில் நிறைவடைய உள்ளது. இந்த நடைபயணம் ஏப்ரல் 28ஆம் திகதியுடன் நிறைவு பெறவுள்ளது. இந்நிகழ்வில் உபய விகார மகா சங்கத்தினர், மத்திய மாகாண ஆளுநர் எஸ்.பி. அபேகோன், தியவடன நிலமே பிரதீப் நிலங்க தேல பண்டார, மக்கள் பிரதிநிதிகள் மற்றும் அரச அதிகாரிகள் உட்பட பெருமளவானோர் கலந்துகொண்டனர்.

சமாதான நடை பயணத்தின் 3ஆம் நாள் - பிரதமரின் பங்கேற்புடன் ஆரம்பம்

சமாதான நடை பயணத்தின் 3ஆம் நாள் - பிரதமரின் பங்கேற்புடன் ஆரம்பம்

You may also like