பத்தரமுல்ல போர் வீரர்கள் நினைவுத்தூபிக்கு அருகில் அண்மையில் இடம்பெற்ற சம்பவத்துடன் தொடர்புடைய வாக்குமூலத்தை வழங்குவதற்காக, தமக்கு பொலிஸாரால் அழைப்பு விடுக்கப்பட்டுள்ளதாக முன்னாள் பாராளுமன்ற உறுப்பினர் விமல் வீரவன்ச தெரிவித்துள்ளார். கொழும்பில் இன்று (23) நடைபெற்ற ஊடகவியலாளர் சந்திப்பில் கலந்துகொண்டு கருத்து வெளியிடும்போதே அவர் இதனைக் குறிப்பிட்டார். இதன்படி, எதிர்வரும் திங்கட்கிழமை (25) தலங்கம பொலிஸ் நிலையத்திற்குச் சென்று வாக்குமூலம் அளிக்கவுள்ளதாக அவர் கூறினார்.இது குறித்து அவர் மேலும் கருத்துத் தெரிவிக்கையில்: "நாட்டின் அனைத்துக் குடிமக்களுக்கும் உள்ள உரிமையின் அடிப்படையில், போர் வீரர்கள் நினைவுத்தூபிக்குச் சென்று மலர் அஞ்சலி செலுத்தவே நாம் சென்றோம். ஆனால், அதற்குத் தடையை ஏற்படுத்தியவர்கள், இப்போது எங்களை வாக்குமூலம் அளிக்க பொலிஸ் நிலையத்திற்கு வருமாறு அறிவித்துள்ளனர்."தொடர்ந்து பேசிய அவர், தற்போதைய அரசாங்கத்தின் சட்ட அமுலாக்கல் முறைமையைக் கடுமையாக விமர்சித்தார். சட்டம் அனைவருக்கும் சமமானது என்று ஜனாதிபதி கூறுகிறார். ஆனால், நடைமுறையில் அது அவ்வாறு இல்லை. நீதி அமைச்சிற்குச் சொந்தமான மல்வானை மாளிகையை ஆக்கிரமித்தவர்களுக்கு எதிராக இதுவரை எந்தச் சட்டமும் செயற்படவில்லை. நாம் ஒரு பொது இடத்திற்கே சென்றோம். ஆனால் எமக்கு ஒரு விதமான சட்டமும், மாளிகையை ஆக்கிரமித்தவர்களுக்கு எதிராகச் சட்டம் மௌனமாகவும் இருக்கின்றது என விமல் வீரவன்ச சாடியுள்ளார்.

வாக்குமூலம் வழங்க விமல் வீரவன்சவுக்கு பொலிஸார் அழைப்பு

வாக்குமூலம் வழங்க விமல் வீரவன்சவுக்கு பொலிஸார் அழைப்பு

You may also like