ஸ்ரீலங்கன் விமான சேவையின் செலவுகளைத் தொடர்ந்து ஏற்கும் நிதி ஆற்றல் அரச திறைசேரிக்கு உள்ளதா என்பதை ஆராய்வதற்காக விசேட குழுவொன்று நியமிக்கப்பட்டுள்ளதாக ஜனாதிபதி அநுரகுமார திசாநாயக்க தெரிவித்துள்ளார். குறித்த குழுவின் அறிக்கைக்கு அமைய அடுத்தகட்ட நடவடிக்கைகள் முன்னெடுக்கப்படும் என்றும் அவர் குறிப்பிட்டுள்ளார். * மத்திய கிழக்கு நெருக்கடியால் இலங்கையின் எரிசக்தி விநியோகம் கடுமையாகப் பாதிப்பு - நிவாரண மானியங்களுக்காக 147 பில்லியன் ரூபா செலவு – ஜனாதிபதி * 2027ஆம் ஆண்டுக்கான வரவு – செலவுத் திட்டத்தில் 7 மூலோபாயத் திட்டங்கள் : அவசரத் தேவைகளுக்காக திறைசேரியில் நிதி இருப்பு அவசியம் – ஜனாதிபதி * 2027ஆம் ஆண்டுக்கான வரவு – செலவுத் திட்டம்: முதலீட்டுக்கு சாதகமான சூழல் உருவாக்கப்படும்: வரவு – செலவுப் பற்றாக்குறையை 5 சதவீதத்திற்கும் குறைவாகப் பேண இலக்கு – ஜனாதிபதி * முதலீடுகளை ஊக்குவிப்பதையும், முதலீட்டுக்கான கவர்ச்சிகரமான நாடாக இலங்கையை மேம்படுத்துவதையும் நோக்கமாகக் கொண்டு விசேட நிவாரணப் பொதியொன்றை அரசாங்கம் அறிமுகப்படுத்தவுள்ளது . - ஜனாதிபதி அநுரகுமார * முதலீட்டாளர் பாதுகாப்புச் சட்டமூலம் விரைவில் பாராளுமன்றத்தில்..வெளிநாட்டு முதலீடுகளை ஈர்க்கும் வகையில் கொழும்பு துறைமுக நகரப் பொருளாதார ஆணைக்குழுச் சட்டத்தில் திருத்தங்கள் - ஜனாதிபதி * 2027ஆம் ஆண்டுக்கான வரவு – செலவுத் திட்டத்தில் மூலதனச் செலவுகளுக்காக 2 டிரில்லியன் ரூபா ஒதுக்கப்பட்டுள்ளது. இது கடந்த ஆண்டுடன் ஒப்பிடுகையில் 5.1 சதவீத அதிகரிப்பாகும். முதலீடுகளை ஊக்குவிக்கும் நோக்கில் புதிய நிவாரணப் பொதியொன்றும், அதற்கான நிறுவனமொன்றும் உருவாக்கப்படவுள்ளன. அத்துடன், இணையவழி சூதாட்ட நடவடிக்கைகளை ஒழுங்குபடுத்துவதற்காக புதிய ஆணையமொன்றும் நிறுவப்படவுள்ளது. * இந்திய – இலங்கை சுதந்திர வர்த்தக ஒப்பந்தத்தை விரிவுபடுத்துவதற்கான நடவடிக்கைகளை அரசாங்கம் முன்னெடுக்கவுள்ளது. அத்துடன், சீனாவுடன் புதிய சுதந்திர வர்த்தக ஒப்பந்தமொன்றை ஏற்படுத்துவதற்கான சாத்தியக்கூறுகள் ஆராயப்படவுள்ளதுடன், ஐக்கிய அரபு இராச்சியம் மற்றும் ஓமானுடன் விரிவுபடுத்தப்பட்ட பொருளாதாரப் பங்காண்மை ஒப்பந்தங்களை மேற்கொள்வதற்கும் நடவடிக்கை எடுக்கப்படவுள்ளதாக அறிவிக்கப்பட்டுள்ளது. - ஜனாதிபதி * கூரை சூரிய மின்சக்தி பயனாளர்களுக்கு மின்கல சேமிப்பு கட்டமைப்புகளை நிறுவ 3.5 பில்லியன் ரூபா நிவாரணம் கூரை சூரிய மின்சக்தி கட்டமைப்புகளைப் பயன்படுத்துவோர் மின்கல சேமிப்பு கட்டமைப்புகளை நிறுவுவதை ஊக்குவிக்கும் வகையில் 3.5 பில்லியன் ரூபா நிவாரணப் பொதியை அரசாங்கம் முன்மொழிந்துள்ளது. இதன்படி, புதிதாக வீடுகளில் கூரை சூரிய மின்சக்தி கட்டமைப்புகளை நிறுவும் பயனாளர்களுக்கு, நிறுவப்படும் ஒவ்வொரு 1 கிலோவாட் மின்கல சேமிப்புத் திறனுக்கும் 25,000 ரூபா நிதி ஊக்குவிப்பு வழங்கப்படும். அதிகபட்சமாக 10 கிலோவாட் திறன் கொண்ட மின்கல சேமிப்பு கட்டமைப்புகளுக்கு இந்தச் சலுகை வழங்கப்படுவதுடன், ஒரு வீட்டுக்கு அதிகபட்சமாக 250,000 ரூபா நிவாரணம் பெற்றுக்கொள்ள முடியும். * இறக்குமதி செய்யப்படும் சூரிய மின்கலங்களுக்கு விதிக்கப்படும் 10 சதவீத துறைமுக மற்றும் விமான நிலைய அபிவிருத்தி வரியை (PAL) நீக்குவதற்கு அரசாங்கம் தீர்மானித்துள்ளதாக ஜனாதிபதி அநுரகுமார திசாநாயக்க தெரிவித்துள்ளார். இந்த வரி விலக்கு மூலம் வீடுகளுக்கு மேலதிக செலவுச் சலுகை கிடைக்கும் எனக் குறிப்பிட்ட ஜனாதிபதி, ஒரு கிலோவாட் மின்கலத்தின் விலை சுமார் 4,000 ரூபாவினால் குறையும் எனவும் அவர் தெரிவித்துள்ளார். * ஒப்பந்தக் கோரல்கள் கோரப்பட்டுள்ளதாக ஜனாதிபதி அநுரகுமார திசாநாயக்க தெரிவித்துள்ளார். இந்தத் திட்டத்தின் ஊடாக 90,000 மெட்ரிக் தொன் எரிபொருளை ஏற்றிவரும் கப்பலிலிருந்து எரிபொருளை இறக்கும் நேரத்தை 96 மணித்தியாலங்களிலிருந்து 48 மணித்தியாலங்களாகக் குறைக்க இலக்கு நிர்ணயிக்கப்பட்டுள்ளது. கப்பல் தாமதமாகும் ஒவ்வொரு நாளுக்கும் சுமார் 30,000 அமெரிக்க டொலர்கள் செலவாகுவதாகக் குறிப்பிட்ட ஜனாதிபதி, இந்தத் திட்டத்தின் மூலம் ஒவ்வொரு கப்பலுக்கும் ஏற்படும் தாமதக் கட்டணமாக (Demurrage Charges) 60,000 அமெரிக்க டொலர்கள் வரை சேமிக்க முடியும் எனவும் தெரிவித்துள்ளார். * முத்துராஜவெலயிலிருந்து பண்டாரநாயக்க சர்வதேச விமான நிலையம் (BIA) வரை விமான எரிபொருளைக் கொண்டு செல்வதற்கான குழாய் கட்டமைப்பை அமைப்பதற்கும், 92,000 மெட்ரிக் தொன் கொள்ளளவு கொண்ட எரிபொருள் சேமிப்பு வசதிகளை அபிவிருத்தி செய்வதற்கும் 22.34 பில்லியன் ரூபா ஒதுக்கப்பட்டுள்ளது. * மாதாந்தம் 180 அலகுகளுக்கு மேல் மின்சாரத்தைப் பயன்படுத்தும் நுகர்வோருக்கு மொத்தமாக 3 இலட்சம் ஸ்மார்ட் மின்மானிகளை இலவசமாக வழங்க அரசாங்கம் நடவடிக்கை எடுத்துள்ளது. ஆசிய அபிவிருத்தி வங்கியின் (ADB) 12 மில்லியன் அமெரிக்க டொலர் நிதியுதவியுடன் இந்தத் திட்டம் முன்னெடுக்கப்படவுள்ளதாக 2027ஆம் ஆண்டுக்கான வரவு – செலவுத் திட்ட முன்மொழிவுகளில் தெரிவிக்கப்பட்டுள்ளது. * தேசிய ரீதியில் செயற்கை நுண்ணறிவுத் தொழில்நுட்பத் திறனை மேம்படுத்துவதுடன், செயற்கை நுண்ணறிவை பொறுப்புணர்வுடன் பயன்படுத்துவதை ஊக்குவிக்கும் நோக்கில், விஜேராம மாவத்தையில் செயற்கை நுண்ணறிவு சிறப்பு மையமொன்றை (AI Excellence Centre) அமைக்கத் திட்டமிட்டுள்ளதாக ஜனாதிபதி அநுரகுமார திசாநாயக்க அறிவித்துள்ளார். * இலங்கையின் டிஜிட்டல் மாற்றத்தை முன்னெடுப்பதற்காக 28.5 பில்லியன் ரூபா ஒதுக்கப்பட்டுள்ளதாக அறிவிக்கப்பட்டுள்ளது. இலங்கையின் வரலாற்றில் டிஜிட்டல் துறையின் மேம்பாட்டுக்காக மேற்கொள்ளப்படும் மிகப்பெரிய முதலீடு இதுவென ஜனாதிபதி அநுரகுமார திசாநாயக்க தெரிவித்துள்ளார். * அரசாங்கத்தின் டிஜிட்டல் மாற்ற வேலைத்திட்டத்தின் ஒரு பகுதியாக, நாடளாவிய ரீதியில் தெரிவுசெய்யப்படும் 7 இலட்சத்து 50 ஆயிரம் மாணவர்களுக்கு அதிவேக பிராட்பேண்ட் இணைய வசதிகளை வழங்க நடவடிக்கை எடுக்கப்படும் என ஜனாதிபதி அநுரகுமார திசாநாயக்க தெரிவித்துள்ளார். * இலங்கை மாணவர்களுக்கு பாடசாலை சீருடைத் துணிகளை வழங்கும் திட்டம் எதிர்வரும் ஆண்டுகளிலும் தொடரும் என சீன அரசாங்கம் இலங்கைக்கு உறுதியளித்துள்ளது. * மன்னார் கடற்படுகையில் அமைந்துள்ள நான்கு கடல் வலயங்களில் எண்ணெய் மற்றும் இயற்கை எரிவாயுவை ஆய்வு செய்து உற்பத்தி செய்வதற்கான ஒப்பந்தக் கோரல்களை இலங்கை பெற்றோலிய அபிவிருத்தி அதிகாரசபை கோரியுள்ளது. இதற்கான ஏலச் செயற்பாடுகள் தற்போது முன்னெடுக்கப்பட்டு வருவதுடன், 2027ஆம் ஆண்டு இந்த ஏலச் செயற்பாடுகள் நிறைவடையவுள்ளதாகவும் தெரிவிக்கப்பட்டுள்ளது. * கல்வி உட்கட்டமைப்பு அபிவிருத்திக்கு 3,500 மில்லியன் ரூபா நிதி ஒதுக்கீடு * தரம் 2 மற்றும் தரம் 6 மாணவர்களுக்கான கல்விச் சீர்திருத்தங்கள் அடுத்த ஆண்டு முதல் நடைமுறைப்படுத்தப்படும். * இலங்கையின் வீதி மற்றும் ரயில்வே உட்கட்டமைப்புகளை அபிவிருத்தி செய்து நவீனமயப்படுத்த 487 பில்லியன் ரூபா நிதி ஒதுக்கீடு.

2027 பட்ஜட் - புதிய அறிவிப்பு......

2027 பட்ஜட் - புதிய அறிவிப்பு......

You may also like