தமிழக வெற்றிக் கழகத்துக்கு ஆதரவளிப்பது குறித்து விடுதலை சிறுத்தைகள் கட்சித் தலைவர் திருமாவளவன் நாளை ஆலோசனை நடத்தவுள்ளதாக தெரிவிக்கப்பட்டுள்ளது. 108 இடங்களில் வென்று தவெக தனிப் பெரும் கட்சியாக உருவெடுத்துள்ள நிலையில் இன்னும் 11 எம்.எல்.ஏ.க்களின் ஆதரவைப் பெற பிற கட்சிகளுடன் தவெக ஆலோசனை நடத்தி வருகின்றது. திமுக கூட்டணியில் தேர்தலை சந்தித்த காங்கிரஸ் 5 இடங்களில் வெற்றி பெற்ற நிலையில், தவெகவுக்கு ஆதரவளிப்பதாக இன்று அறிவித்தது. பெரும்பான்மைக்கு இன்னும் 6 பேரின் ஆதரவு தேவைப்படும் நிலையில், திமுக கூட்டணியில் உள்ள விசிக, இந்திய கம்யூனிஸ்ட், மார்க்சிஸ்ட் கம்யூனிஸ்ட் உள்ளிட்ட கட்சிகளுக்கு ஆதரவு கோரி தவெக கடிதம் அனுப்பியுள்ளது. இந்த நிலையில், தவெகவுக்கு ஆதரவளிப்பது குறித்து முடிவெடுக்க உயர்நிலைக் குழுவுடன் திருமாவளவன் நாளை முக்கிய ஆலோசனையில் ஈடுபடவுள்ளார்.

தவெகவுடன் இணைகிறதா விசிக?

தவெகவுடன் இணைகிறதா விசிக?

You may also like