இங்கிலாந்து கிரிக்கெட் அணியின் தலைவர் பென் ஸ்டோக்ஸ் மற்றும் வேகப்பந்து வீச்சாளர் கஸ் அட்கின்சன் இருவரும் இங்கிலாந்தில் உள்ள ஒரு நைட் கிளப்பிற்குச் சென்றபோது, அங்கு 'சரசென்ஸ்' ரக்பி கிளப் அகாடமி வீரர் ஒருவருடன் வாக்குவாதம் ஏற்பட்டு அது பெரும் கைகலப்பாக மாறியுள்ளது. இந்நிலையில் வீரர் அட்கின்சனைத் தாக்க முயன்றபோது, அது தவறுதலாக அவர்களுடன் இருந்த இங்கிலாந்து கிரிக்கெட் சபையின் பாதுகாப்பு அதிகாரி மீது பட்டதில் அவர் பலத்த காயமடைந்து மருத்துவமனையில் சேர்க்கப்பட்டுள்ளார்.&nbsp;&nbsp; இந்தச் சம்பவம் குறித்து, தகவல்களைத் திரட்டி வருவதாகவும், அடுத்த போட்டிக்கான அணி விரைவில் அறிவிக்கப்படும் என்றும் இங்கிலாந்து கிரிக்கெட் சபை&nbsp;தெரிவித்துள்ளது. மேலும் கடந்த ஜனவரி மாதம் ஆஷஸ் தொடரில் இங்கிலாந்து அணி படுதோல்வி அடைந்ததைத் தொடர்ந்து, வீரர்கள் இரவு நேரங்களில் வெளியே செல்வதற்குக் கடுமையான கட்டுப்பாடுகள் அமுல்படுத்தப்பட்டிருந்தன. இருப்பினும் இங்கிலாந்து கிரிக்கெட் சபையின் இந்த விதிகளை தலைவர் பென் ஸ்டோக்ஸ் மீறியுள்ளதால், அவர் தனது தலைவர் பதவியிலிருந்து நீக்கப்பட அதிக வாய்ப்புகள் உள்ளதாகத் தெரியவந்துள்ளது. இந்நிலையில் பென் ஸ்டோக்ஸிற்குப் பதிலாக இங்கிலாந்து அணியின் புதிய தலைவராக ஹாரி புரூக் நியமிக்கப்படலாம் என எதிர்பார்க்கப்படுகின்றது.

இங்கிலாந்து அணியின் புதிய தலைவராக ஹாரி புரூக்?

இங்கிலாந்து அணியின் புதிய தலைவராக ஹாரி புரூக்?

You may also like