இலங்கை கிரிக்கெட் நிறுவனம் நேற்று முன்தினம் (06) எதிர்வரும் பாகிஸ்தான் சுற்றுப்பயணத்திற்கான இலங்கை அணி குழாமை அறிவித்தது.&nbsp; இந்தத் தொடரில் 3 போட்டிகள் கொண்ட ஒருநாள் (ODI) தொடர் மற்றும் சிம்பாப்வேயும் பங்கேற்கும் ஒரு T20 முத்தரப்புத் தொடர் ஆகியவை அடங்கும்.&nbsp; இறுதியாக இலங்கை அணி பாகிஸ்தானை ஆசியக் கிண்ணத்தின் சுப்பர் ஃபோர்ஸ் சுற்றில் எதிர்கொண்டது. அந்தப் போட்டியில் இலங்கையை வீழ்த்திய பாகிஸ்தான் இறுதிப் போட்டிக்கு முன்னேறியது.&nbsp; இதற்கிடையில், பாகிஸ்தான் அணி இந்தத் தொடருக்கு முன்னதாக தென்னாப்பிரிக்காவுடன் இரண்டு டெஸ்ட் (1-1 சமநிலை) மற்றும் மூன்று T20 போட்டிகளில் (2-1 வெற்றி) விளையாடியது. அதனைத் தொடர்ந்து தென்னாப்பிரிக்காவுக்கு எதிரான ஒருநாள் தொடர் தற்போது 1-1 என்ற சமநிலையில் உள்ளது.&nbsp; இலங்கை அணிக்காக இரு வடிவப் போட்டிகளுக்கும் (ஒருநாள் மற்றும் T20) சரித் அசலங்க தலைவராக நியமிக்கப்பட்டுள்ளார்.&nbsp; ஒருநாள் குழாமில் ஏற்பட்ட பெரிய மாற்றத்தின்படி, முதலில் பெயரிடப்பட்டு முழங்கால் காயம் காரணமாக விலகிய தில்ஷான் மதுஷங்கவிற்குப் பதிலாக ஈஷான் மாலிங்க சேர்க்கப்பட்டுள்ளார். இதற்கிடையில், மத்தீஷ பத்திரன மேல் சுவாசக்குழாய் தொற்றுநோயிலிருந்து மீண்டு வருவதால் அவர் சுற்றுப்பயணத்தில் இருந்து விலகியுள்ளார். அவருக்குப் பதிலாக அசித பெனாண்டோ சேர்க்கப்பட்டுள்ளார் என இலங்கை கிரிக்கெட் அறிவித்துள்ளது.&nbsp;

பாகிஸ்தான் சுற்றுப்பயணத்திற்கான இலங்கை அணி குழாம் அறிவிப்பு

பாகிஸ்தான் சுற்றுப்பயணத்திற்கான இலங்கை அணி குழாம் அறிவிப்பு

You may also like