ஸ்ரீ தலதா மாளிகையின் அதிஉயர் பாதுகாப்பு வலையத்திற்குள் அனுமதியின்றி ட்ரோன் கேமராவைப் பறக்கவிட்டு புகைப்படங்களை எடுத்ததாகக் கூறப்படும் மூவர் பொலிஸாரினால் கைதுசெய்யப்பட்டுள்ளனர். இந்திய விமானப்படைத் தளபதி எயார் சீஃப் மார்ஷல் அமர் பிரீத் சிங் கடந்த 20ஆம் திகதி தளதா மாளிகைக்கு விஜயம் செய்திருந்த வேளையில், இந்த நபர்கள் கண்டி வாவி சுற்றுவட்டப் பகுதியில் வாவியிலிருந்து குறித்த ட்ரோன் இயந்திரத்தைப் பறக்கவிட்டுள்ளதாக பொலிஸார் தெரிவித்துள்ளனர். விமானப்படையின் சமிஞை தடுப்பு (Jammer) இயந்திரத்தைப் பயன்படுத்தி தரைமிறக்கப்பட்ட குறித்த ட்ரோன் இயந்திரத்துடன், அதனைப் பறக்கவிட்ட மூன்று சந்தேகநபர்களும் மேலதிக விசாரணைகளுக்காக கண்டி தலைமையகப் பொலிஸாரிடம் ஒப்படைக்கப்பட்டுள்ளனர். சந்தேகத்தின் பேரில் கைதுசெய்யப்பட்ட பெண் கண்டி, முருத்தலாவ பகுதியைச் சேர்ந்த 31 வயதுடையவர் எனவும், ஏனைய இருவரும் பொரலஸ்கமுவ பகுதியைச் சேர்ந்த 32 வயதுடையவர்கள் எனவும் பொலிஸார் குறிப்பிட்டுள்ளனர்.&nbsp; இச்சம்பவம் தொடர்பில் கண்டி பொலிஸார் மேலதிக விசாரணைகளை மேற்கொண்டு வருகின்றனர். (எம்.ஏ.அமீனுல்லா)

தலதா மாளிகை பாதுகாப்பு வலயத்தில் ட்ரோன் பறக்கவிட்ட மூவர் கைது

தலதா மாளிகை பாதுகாப்பு வலயத்தில் ட்ரோன் பறக்கவிட்ட மூவர் கைது

You may also like