முதலாவது டெஸ்ட் போட்டியில் இலங்கை அணி வெற்றி

இலங்கை மற்றும் மேற்கிந்திய தீவுகள் அணிகளுக்கு இடையில் காலியில் இடம்பெற்ற முதலாவது டெஸ்ட் போட்டியில் இலங்கை அணி 187 ஓட்டங்களால் வெற்றி பெற்றுள்ளது.

போட்டியில் முதலில் துடுப்பெடுத்தாடிய இலங்கை அணி முதலாவது இன்னிங்ஸிற்காக 386 ஓட்டங்களை பெற்றிருந்தது. இதனையடுத்து தமது முதல் இன்னிங்ஸிற்காக துடுப்பெடுத்தாடிய மே.இந்திய தீவுகள் அணி சகல விக்கட்டுக்களையும் இழந்து 230 ஓட்டங்களை பெற்றுக்கொடுத்தது.

இதனையடுத்து, தமது இரண்டாவது இன்னிங்ஸிற்காக துடுப்பெடுத்தாடிய இலங்கை அணி 191 ஓட்டங்களுக்கு 4 விக்கட்டுக்களை இழந்திருந்த நிலையில், ஆட்டத்தை இடைநிறுத்திக் கொண்டது.

இதனையடுத்து 348 என்ற வெற்றி இலக்கை நோக்கி துடுப்பெடுத்தாடிய மே.இந்திய தீவுகள் அணி இன்றைய 5ஆம் நாள் ஆட்ட நேர முடிவில் சகல விக்கட்டுக்களையும் இழந்து 160 ஓட்டங்களை மாத்திரமே பெற்றுக்கொண்டது.

இந்த வெற்றியின் ஊடாக 2 போட்டிகளைக் கொண்ட டெஸ்ட் தொடரில் இலங்கை அணி 1க்கு 0 என்ற கணக்கில் முன்னிலைப் பெற்றுள்ளது.