Breaking News

குவைத் தொழிலுக்கு சென்று வெறுங்கையுடன் வீடு திரும்பிய சுலோச்சனா !

 

பணிப்பெண் வேலைக்காக குவைத் சென்ற எஹ்லியகொடவை சேர்ந்த மாரிமுத்து சுலோச்சனா என்ற நான்கு பிள்ளைகளின் தாயார் அங்கு எஜமானரால் துன்புறுத்தப்பட்டு வெறுங்கையுடன் நேற்று நாடு திரும்பினார்.

உடல்நலம் குன்றிய நிலையில் வந்த அவரை நீர்கொழும்பு வைத்தியசாலையில் சேர்க்க வெளிநாட்டு வேலைவாய்ப்பு பணியக அதிகாரிகள் நடவடிக்கை எடுத்தனர்.

குவைத் எஜமானர் இரண்டு நாட்களுக்கு ஒரு தடவை பணிஸ் போன்ற உணவை தருவதாகவும் உணவு அல்லது ஊதியத்தை கேட்டால் அடித்து சித்திரவதை செய்வதாகவும் சுலோச்சனா அதிகாரிகளிடம் தெரிவித்துள்ளார்.

வீட்டில் இருந்து தப்பியோடி குவைத்திலுள்ள இலங்கை தூதரகத்தில் தஞ்சமடைந்தாலும் அங்கு வந்த எஜமானர் நல்லவிதமாக பேசி திருப்பி அழைத்துச் சென்று அறை ஒன்றில் பூட்டி சித்திரவதை செய்ததாகவும் , ஊதியத்தை கேட்டால் அது இலங்கைக்கு அனுப்பட்டுவிட்டது என்று தெரிவிக்கப்பட்டதாகவும் சுலோச்சனா மேலும் தெரிவித்துள்ளார்.

இது தொடர்பில் விசரணைகளை செய்துவரும் வெளிநாட்டு வேலைவாய்ப்பு பணியகம் இவருக்குரிய ஊதியத்தை பெற்றுக் கொடுக்கும் நடவடிக்கைகளில் ஈடுபட்டுள்ளது.