கண்டி அந்தோனியார் மகளிர் கல்லூரி அபாயா தடையை நீக்குக – மத்திய மாகாண ஆளுநர் உத்தரவு

 

கண்டி புனித அந்­தோ­னியார் மகளிர் கல்­லூ­ரியில் முஸ்லிம் ஆசி­ரி­யை­க­ளுக்கு அபாயா அணிந்து செல்­வ­தற்கு விதிக்­கப்­பட்­டி­ருந்த தடையை நீக்­கு­மாறு மத்­திய மாகாண ஆளுநர் மைத்­ரி குண­ரத்ன நேற்று உத்­த­ரவு பிறப்­பித்தார்.

ஜனா­தி­பதி வெளி­யிட்­டுள்ள அர­சாங்க வர்த்­த­மா­னியின் விதி­க­ளுக்கு அமைய முஸ்லிம் ஆசி­ரி­யைகள் முகத்தை மறைக்­காது அபாயா, ஹிஜாப் அணிந்து பாட­சா­லை­க­ளுக்குச் செல்­லலாம். அதற்கு தடை விதிக்க முடி­யாது என்றும் ஆளுநர் தெரி­வித்தார்.

கண்டி புனித அந்­தோ­னியார் மகளிர் கல்­லூ­ரியில் கட­மை­யாற்றும் 7 முஸ்லிம் ஆசி­ரி­யைகள் கல்­லூ­ரிக்கு கடந்த சில தினங்­க­ளாக கலர் அபாயா அணிந்து சென்ற போதும் கல்­லூ­ரியின் பாது­காப்பு உத்­தி­யோ­கத்­தரும் பழைய மாண­வி­களில் சிலரும், பெற்­றோர்­களில் சிலரும் அவர்­களை பாட­சா­லைக்குள் நுழைய அனு­ம­திக்க மறுத்­த­தை­ய­டுத்து அவர்கள் மத்­தி­ய­மா­காண ஆளு­ந­ரிடம் முறைப்­பாடு செய்­தனர்.

நேற்று ஆளு­நரின் அலு­வ­ல­கத்தில் இது தொடர்­பான கலந்­து­ரை­யாடல் ஒன்று நடை பெற்­றது. இக்­க­லந்­து­ரை­யா­டலில் கண்டி பிர­ஜைகள் முன்­ன­ணியின் தலைவர் காமினி ஜய­வீர, செய­லாளர் ரேனுகா மல்­லி­ய­கொட, போஷகர் சட்­டத்­த­ரணி சி.எம்.ஹாதீம், ஆசி­ரி­யை­களின் பிர­தி­நி­திகள், கல்­லூ­ரியின் சார்பில் பழைய மாண­விகள் பெற்றோர் பிர­தி­நி­திகள் கலந்­து­கொண்­டனர். தாம் கல்­லூ­ரிக்கு கலர் அபாயா அணிந்து சென்ற போதும் கடந்த 10 தினங்­க­ளாக எம்மை பாட­சா­லைக்குள் அனு­ம­திக்­க­வில்லை. எமது வரவை உறுதி செய்ய கையொப்­ப­மிட அனு­ம­திக்­க­வு­மில்லை. நாங்கள் நுழை­வா­யிலில் காத்­தி­ருந்­து­விட்டு வீடு திரும்­பினோம் என்று ஆசி­ரி­யைகள் முறை­யிட்­டனர்.

மாண­வி­களின் பாது­காப்பு கரு­தியே அபாயா அணித்து வர­வேண்டாம் என தடுக்­கப்­பட்­டது. சாரி அணிந்து வரும்­படி கூறப்­பட்­டது என கல்­லூ­ரியின் சார்பில் கலந்­து­கொண்ட பிர­தி­நி­திகள் தெரி­வித்­தனர்.
இத­னை­ய­டுத்து ஆளுநர் மைத்­திரி குண­ரத்­ன முஸ்லிம் ஆசி­ரி­யைகள் அபாயா அணி­வதை எவ­ராலும் தடை செய்ய முடி­யாது. அதற்­கான வர்த்­த­மானி அறி­வித்தல் மற்றும் கல்வி அமைச்சு சுற்று நிருபமும் வெளி­யிட்­டுள்­ளது. அதனால் ஆசி­ரி­யைகள் அபாயா அணி­வ­தற்கு அனு­மதி வழங்­க­வேண்டும். தடை செய்ய முடி­யாது. அவ்­வாறு தடை செய்­ப­வர்­களை கைது­செய்ய நட­வ­டிக்கை எடுப்பேன் என்று தெரி­வித்தார்.
புனித அந்­தோ­னியார் மகளிர் கல்­லூ­ரியில் 17 முஸ்லிம் ஆசி­ரி­யைகள் கட­மை­யாற்­று­கின்­றனர். இவர்­களில் 7 ஆசி­ரி­யை­களே அபாயா அணிந்து கல்­லூ­ரிக்குச் செல்­கின்­றமை குறிப்­பி­டத்­தக்­கது. இச்­சம்­பவம் தொடர்­பாக கல்­லூரி அதி­பரை தொடர்பு கொண்டு வின­விய போது அவர் பின்­வ­ரு­மாறு பதி­ல­ளித்தார்.

” முறைப்­பாடு செய்­துள்ள ஆசி­ரி­யைகள் விடு­மு­றைக்குப் பின் கல்­லூரி ஆரம்­பிக்­கப்­பட்­ட­தி­லி­ருந்து கல்­லூ­ரிக்கு வர­வில்லை. ஓரிரு தினங்கள் வந்து நுழை­வா­யிலில் இருந்­து­விட்டு திரும்பிச் சென்­ற­தாக அறி­கிறேன்.மாண­வி­களின் பாது­காப்பு கருதி கல்­லூ­ரியின் பாது­காப்பு குழு மற்றும் பெற்றோர், பழைய மாணவிகள் எடுத்த தீர்மானம் இது. மாணவிகள் தொலைக்காட்சியில் அபா­யா­வு­ட­னான செய்­தி­களைப் பார்த்­து­விட்டு பயந்து போயுள்­ளனர். அபா­யா­வு­ட­னான ஆசி­ரி­யை­களைப் பார்ப்­ப­தற்கும் பேசு­வ­தற்கும் அஞ்­சு­கின்­றனர். இது நான் எடுத்த தீர்மானமல்ல. கல்லூரியின் பாதுகாப்பு குழு எடுத்த தீர்மானம் என்றார்.

நன்றி – விடிவெள்ளி