Breaking News

இராணுவத்தளபதி நியமனம் – ஐ.நா – ஐரோப்பிய ஒன்றியம் கவலை – உள்விவகாரம் என்கிறது இலங்கை !

இலங்கை இராணுவத் தளபதியாக லெப்.ஜெனரல் சவேந்திர சில்வா நியமிக்கப்பட்டுள்ளமை குறித்து கவலையடைவதாக, ஐ.நா பொதுச்செயலர் அன்ரனியோ குரெரெசின் சார்பில், அவரது பேச்சாளர் ஸ்டீபன் டுஜாரிக் தெரிவித்துள்ளார்.

நியூயோர்க்கில் நேற்று நடந்த நாளாந்த செய்தியாளர் சந்திப்பில் கருத்து வெளியிட்ட போதே அவர் இதனைக் கூறினார்.

இலங்கை இராணுவத் தளபதியாக லெப்.ஜெனரல் சவேந்திர சில்வா நியமிக்கப்பட்டுள்ளமை குறித்து இங்கு சிலர் கேள்வி எழுப்பியிருந்தனர்.

“ஐ.நா மனித உரிமைகள் ஆணையாளர் பணியகம், ஏற்கனவே வெளியிட்டுள்ள அறிக்கையை நீங்கள் பார்த்திருப்பீர்கள்.எமது தரப்பில், இந்த நியமனம் குறித்து நாங்களும் கவலையடைகிறோம்.ஐ.நா அமைதிகாப்பு நடவடிக்கைகளில்,நிறுத்தப்பட்டுள்ள அனைத்து பணியாளர்களும், மிகஉயர்ந்த மனித உரிமை தரங்களுக்கு அமைய இருக்க வேண்டும் என்ற விடயத்தில், ஐ.நா உறுதியுடன் உள்ளது.

ஐ.நா அமைதிகாப்பு நடவடிக்கைகளில் பங்கேற்கும் அனைத்து சீருடை பணியாளர்களும் விரிவான மனித உரிமைகள்பரிசோதனைக்குஉட்படுத்தப்படுகிறார்கள்.” என்றும் அவர் தெரிவித்தார்.

இதேவேளை இந்த விவகாரம் குறித்து ஐரோப்பிய ஒன்றியம் அறிக்கை ஒன்றையும் வெளியிட்டுள்ளது.

 

இதற்கிடையில் இந்த நியமனம் உள்ளக விவகாரமென்று இலங்கை வெளிவிவகார அமைச்சு அறிவித்துள்ளது.